حفاظتی ٹیکہ لگانے سے جسم میں اینٹی باڈیز پیدا ہوتی ہیں۔
اور جس بیماری سے متعلقہ یہ حفاظتی ٹیکہ ہوتا ہے اُس بیماری کے جراثیم مستقبل میں اگر جسم پر حملہ آور ہوں تو قوت مدافعت اور اینٹی باڈیز فورا اُنھیں پہچان لیتی ہیں اور اُن جراثیم کو مار دیتی ہیں۔

زیادہ تر حفاظتی ٹیکے بچے کے بازو کے اُوپر والے حصہ میں یا ٹانگ کے اوپر والے حصے (ران) پر سُوئی کی مدد سے لگائے جاتے ہیں۔
چند حفاظتی دوائیاں / ٹیکے بچوں کو منہ کے ذریعے پلائے جاتے ہیں۔
اورچند حفاظتی دوائیاں / ٹیکے بچوں کو ناک میں سپرے کے ذریعے بھی دیئے جاتے ہیں۔

حفاظتی ٹیکہ مردہ یا کمزور جراثیم کی ایک چھوٹی سی مقدار سے بنایا جاتا ہے۔
ان جراثیموں کی مدد سے دفاعی نظام بیماریوں کے خلاف تحفظ کرنا سیکھتا ہے۔
حفاظتی ٹیکہ آپ کے بچے کو اصل بیماری سے بچانے کا ایک محفوظ ترین طریقہ ہے۔

تشنج بیماری کو انگریزی میں ٹیٹنس کہا جاتا ہے۔
تشنج کا انجیکشن تو حاملہ عورت کو بھی لگایا جا سکتا ہے۔تشنج کا ٹیکہ حاملہ عورت اور بچہ دونوں کیلئے فائدہ مند رہتا ہے۔

ویکسین اور ٹھنڈک ایک دوسرے کیلئے لازمی و ملزوم ہیں۔
ویکسین کو کسی صورت بھی گرم یا حرارت والی جگہ پر نہیں رکھا جاسکتا ۔
اگر ویکسین کو مطلوبہ ٹھنڈک / کولنگ والی جگہ پر نہ رکھا جائے تو خراب ہو جائے گی۔
ویکسین ایک حساس مادہ ہوتا ہے۔

انسانی جسم کا نارمل درجہ حرارت 98.6 فارن ہائیٹ یا 37 سینٹی گریڈ ہوتا ہے۔

بی سی جی انجیکشن جلد کی اوپر والی تہہ میں ، دائیں بازو کے اوپر والے حصہ میں لگایا جاتا ہے۔
یہ ویکسین تیار کرنے کے 6 گھنٹہ کے اندر اندر لگائی جاتی ہے۔
بی سی جی ویکسین سے ہی بچے کے بازو پر نشان رہتا ہے۔

ڈی ہائیڈریشن کا مطلب ہے جسم میں پانی اور فلوئیڈ کی مقدار مطلوبہ مقدار سے بھی کم ہو جانا۔