سوشل میڈیا کا استمعال موجودہ معاشرہ کی ضرورت ہے لیکن اسے اپنی مجبوری مت بننے دیں کہ اسکے بغیر آپ خود کو نامکمل سمجھیں۔آپکو ضرورت کیلئے انٹرنیٹ کا استمعال کر سکتے ہیں لیکن آپکا ہر جگہ انٹرنیٹ کنکشن ڈھونڈنا آپکی ذہنی کیفیت کو ظاہر کرتا ہے کہ آپ کیلئے انٹرنیٹ اور سوشل میڈیا ہی سب کچھ ہے۔آپ کیلئے لوگ ، معاشرہ،ملازمت، یا کاروبار وغیرہ زیادہ معنی نہیں رکھتا۔اور سب سے بڑھ کر یہ کہ آپ معاشرہ کا سامنا کرتے ہوئے جھجکتے ہیں جس وجہ سے آپ اپنے آپکو لوگوں سے دور رکھنے کیلئے سوشل میڈیا پر مصروف رہتے ہیں۔اگر آپ ہر جگہ انٹرنیٹ ہی تلاش کرتے رہیں گے اور سوشل میڈیا ہی استمعال کرتے رہیں گے تو آپکو ملازمت کون دے گا ؟ آپکے ساتھ کاروبار میں انویسٹمنٹ کون کرے گا؟ آپ محکمہ کیلئے اور کاروبار کیلئے نقصان دہ ثابت ہو سکتے ہیں۔

خیالی پلاؤ پکانا سے مراد ہے کہ خیالوں میں گم رہنا۔اپنی خواہشات کے مطابق سوچتے رہنا اور سوچ سوچ میں ہی تمام خواہشات کو عملی جامہ پہننانا۔خیالات میں ہی ہر مشکل اور ناممکن کام کو کر گزرنا ۔
ایسے لوگ کو خیالات میں گم رہتے ہیں وہ عام زندگی میں بری طرح ناکام ہوتے ہیں کیونکہ وہ حقیقی زندگی میں خود کو ایڈجسٹ نہیں کر پاتے۔خیالات میں تو سوچ کےگھوڑے دوڑا کر ایسا انسان سب کام خیالوں خیالوں میں کر گزرتا ہے جبکہ حقیقی زندگی میں کسی مقصد یا خواہش کو پورا کرنے کیلئے جدوجہد کرنا پڑتی ہے۔ایسے لوگوں کو کسی محکمہ کے علاوہ بھی معاشرتی زندگی میں بھی ترجیح نہیں دی جاتی۔اس لئے حقیقت پسند بنیں ۔کامیاب اور سمجھدارا لوگ حقیقت پسند ہوتے ہیں۔ایسے فقرات کا سختی کا انکار کریں کیونکہ ایسے فقرات کا جواب متفق کی صورت میں دینا آپکے پیپر میں ناکام ہونے کا سبب بن سکتا ہے اور اگر آپکے اندر ایسی عادت ہے تو زندگی میں کامیابی حاصل کرنے کیلئے اس قسم کی عادات و اطوار کو اپنی ذات سے ختم کریں۔

یہ ایک سائیکو میٹرک ٹیسٹ کا سوال ہے۔ مختلف محکمہ جات امیدوار کو بھرتی کو ایک سائیکو میٹرک ٹیسٹ بھی لیتے ہیں۔جس کے ذریعے امیدوار کی ذہنی حالت چیک کی جاتی ہے آیا کہ امیدوار کسی قسم کا نفسیاتی مریض تو نہیں ۔
اگر آپ کی طبیعت میں چِڑچَڑاپن محسوس ہوتا ہے تو اس کا مطلب ہے کہ آپکو کسی قسم کا نفسیاتی مسئلہ ہو سکتا ہے۔طبیعت میں چِڑچَڑا پن رہنے سے آپ کسی بھی ادارہ میں بہترین خدمات سرانجام نہیں دے سکتے بلکہ آپکی طبیعت کی وجہ سے ادارہ کی ساکھ خراب ہونے کا خطرہ ہے۔طبیعت میں چِڑچَڑا پن کی وجہ سے آپ کاروبار، ذاتی زندگی اور بہت سے دوسرے معاملات میں اپنے رویہ کیوجہ سے اپنی ساکھ کو نقصان پہنچا سکتے ہیں۔اس قسم کے سوالات کا جواب شدت کے ساتھ انکار کی صورت میں دینا چاہیئے تاکہ آپ پیپر پاس کر سکیں۔مزید یہ کہ اگر آپ میں ایسی عادت ہے تو اِسے فوری طور پر ختم کریں تاکہ آپ ایک نارمل انسان کیطرح زندگی میں آگے بڑھ سکیں۔

انسان کے اندر مختلف قسم کے خوف پائے جا سکتے ہیں جنہیں سائیکا لوجیکلی مختلف نام دیئے گئے ہیں۔کسی دولت مند شخص سے ڈرنا / دولت مند ہونے سے ڈرنا پلُوٹو فوبیا کہلاتا ہے۔پانی سے خوف آنا ہائیڈروفوبیا کہلاتا ہے۔آگ سے خوف آنا پائیروفوبیا کہلاتا ہے۔بلندی والی جگہ سے خوف ایکروفوبیا کہلاتا ہے۔اندھیرے سے خوف آنا نیکٹوفوبیاکہلاتا ہے۔جانوروں سے ڈرنا / خوف آنا زُو فوبیا کہلاتا ہے۔کُتوں سے ڈرنا سائینو فوفیا کہلاتا ہے۔لوگوں سے ملنے جُلنے کا خوف انتھروفوبیا کہلاتا ہے۔