میں بولوں گا۔
اس فقرہ میں اپ محسوس کر سکتے ہیں کہ اس میں سختی اور غصہ کا عنصر محسوس ہو رہا ہے۔
نفسیاتی امتحان کو اگر آپ پاس کرنا چاہتے ہیں تو کسی بھی موقع پر حتی کہ انٹرویو میں بھی اپنا غصہ مت دکھائیں یا اپنے آپکو غصے والا ظاہر مت کریں۔
اس قسم کے فقرات کی گہرائی کو سمجھتے ہوئے سوچ سمجھ کر جواب دیں۔
بولنا چاہئے ، بولنا آپکے پر اعتماد ہونے کی علامت ہے لیکن اس اندز میں مت بولیں کے آپکا بولنا بدتمیزی میں شمار ہو کر آپکی شکصیت کے منفی پہلوؤں کو نمایاں کر دے۔

مجھے مایوس لوگوں کے ساتھ رہنا پسند نہیں ہے۔
آپکو عملی زندگی میں ہر قسم کے لوگوں کے ساتھ رہنا ہے۔
ایسا نہیں ہو سکتا کہ آپکو تمام لوگ ویسے ہی سمجھدار یا پڑھے لکھے ملیں جیسا آپ خود ہیں۔
بہت سے مواقع ایسے آئیں گے کہ آپ کو مایوس لوگ بھی ملیں گے، بے وقو ف بھی ملیں گے، پرھے لکھے اور ان پڑھ ، ہر قوم کے لوگ ملیں گے لیکن آپ نے یہ احتیاط کرنا ہے کہ آپ نے ان سے نفرت نہیں کرنی بلکہ انہیں اچھے طریقہ سے ڈیل کرنا ہے اور انہیں حوصلہ دینا ہے تاکہ آپ کے ساتھ گزرا اُنکا وقت انکے لئے فائدہ مند ثابت ہو۔
ایسا نہ ہو کہ مایوس لوگوں کو آپکا رویہ ، لہجہ اور سلوک مزید مایوس کر دے۔
ریسکیو 1122 ایسا ادارہ ہے جس میں آپکو ہر روز ان گنت مایوس لوگ ملیں گے اور اگر آپکو ایسے لوگ برے لگتے ہیں تو آپ کی شخصیت اور طبیعت کے ساتھ ریسکیو کی ملازمت مطابقت نہیں رکھتی۔

عام طور پر لوگ مجھے کافی سمجھدار سمجھتے ہیں۔
اگر لوگ آپکو سمجھدار سمجھتے ہیں تو یہ ایک اچھی بات ہے جو کہ آپکے حق میں ہے لیکن آپ یہ سمجھنے لگ جائیں کہ ایک آپ ہی سمجھدار ہیں تو یہ سوچ آپکے خلاف جائے گی۔
نفسیاتی پیپر کو حل کرتے ہوئے کبھی بھی اپنے آپکو دوسروں سے برتر ظاہر مت کریں۔جو بھی فقرہ ہو اُسے پڑھیں اور غوروفکر کے بعد اُسکا جواب دیں۔
اس قسم کے فقرات آپکے حق میں ہیں انہیں آپ متفق کی صورت میں قبول کر سکتے ہیں لیکن یہ فقرہ خوش فہمی میں یا احسان کمتری میں بھی شمار ہو سکتا ہے۔ اگر آپکا اسکا جواب سختی کے ساتھ دیں گے۔

میں اپنے خیالات کو تحریری شکل میں لکھ کے پیش کرنے کی بجائے آمنے سامنے بحث کو ترجیح دیتا ہوں۔
محکمہ جات میں کچھ اس طرح سے ہوتا ہے کہ پہلے آپکو تحریری طور پر لکھ کر دینا پڑتا ہے اس کے بعد آپکو اپنی تحریر / درخواست یا جو کچھ بھی لکھ کے دیا ہوتا ہے اسے تفصیل سے سمجھانے یا بتانے کیلئے آمنے سامنے بات چیت کرنے کی ضرورت بھی پیش آ سکتی ہے۔
اس کو تحریری طور پر اور آمنے سامنے بات کرنا، دونوں طریقوں سے معاملات کو سنبھالنا آتا ہو۔

میں ٹیم کا حصہ بن کر کام کرنے کو ترجیح دوں گا۔
یہ ایک اچھی بات ہے۔
ٹیم ورک میں انفرادی طور پر کام کرنے کی نسبت زیادہ بہتر کارکردگی دکھائی جا سکتی ہے۔
کچھ لوگ اکیلا کام کرنا پسند کرتے ہیں لیکن اس کے ساتھ ساتھ آپ میں یہ خوبی ہونی چاہیئے کہ آپ ٹیم ورک میں بھی کام کرنے میں بے چینی یا برا محسوس نہ کریں۔
اور اگر آپ ٹیم ورک میں کام کر سکتے ہیں تو اس کے ساتھ ساتھ آپ میں یہ خوبی بھی ہونی چاہیئے کہ اگر آپکو ایک کام اکیلے کو کرنا پڑے تو آپ اکیلے بھی کر سکیں۔
اس قسم کے فقرات کا سختی سے جواب مت دیں، کیونکہ موقع کی مناسبت سے آپکو اکیلے یا ٹیم ورک دونوں صورتوں میں کام کرنا پڑ سکتا ہے۔

لوگ مجھے قابل اعتماد سمجھتے ہیں۔
اگر لوگ آپ پر اعتماد کرتے ہیں تو اسکا مطلب ہے کہ لوگ آپکو ایک ایماندار انسان سمجھتے ہیں اور آپ میں ایسی صلاحیت موجود ہے کہ آپ کسی بھی معاشرہ میں اپنے کردار کی وجہ سے خود کو آسانی سے ایڈجسٹ کر سکیں گے۔
ایسے لوگ کسی بھی محکمہ میں باآسانی اپنے کردار / خوبی کی وجہ سے آسانی سے لوگوں کا دل جیت لیتے ہیں۔
اور بعض اوقات ایسے حالات پیدا ہو جاتے ہیں کہ محکمہ چاہے کتنا ہی طاقتور کیوں نہ ہو لیکن ایسے لوگوں کی خدمات لینی پڑتی ہیں جو اپنے کردار کیوجہ سے بہت سے معاملات بات چیت سے اور اپنے حوالے سے حل کر سکیں۔

دوسرے لوگوں کی توقعات پر پورا اترنا میرے لئے اہم ہے۔
دوسروں کے جذبات کی قدر کرنی چاہیے اور دوسروں کی رائے کا احترام کرنا چاہیئے۔
مندرجہ بالا فقرہ میں بہت سا ابہام ہے ، اگر آپ اسے معاشرتی طور پرلیں تو ایک اچھی بات ہے متفق ہونا چاہیئے لیکن آپ ایک محکمہ کے نقطہ نظر سے دیکھیں تو آپ تمام لوگوں کی توقعات پر پورا نہیں اگر سکتے۔
اگر آپ پولیس ڈیپارٹمنٹ میں ہیں تو آپ کسی کی توقع پر پورا ترنے کیلئے ملزم / مجرم کو ہرگز نہیں چھوڑ سکتے۔
اگر اپ ریسکیو 1122 میں ہیں تو کوئی شخص ڈوب رہا ہے اور لوگوں کی توقعات پر پورا اترنے کیلئے آپ پانی میں اندھا دھند چھلانگ نہیں لگا سکتے بلکہ آپکو باقاعدہ طور پر پہلے اپنے آپکو محفوظ بنا کر ڈوبنے والے کی جان بچانی ہے۔
ہم اس فقرہ کا جواب ملازمت / محکمہ کے نقطہ نظر سے غیر متفق ہی دیں گے۔

اگر آپکو کبھی پتا نہیں چلا تو دھوکہ دینا ٹھیک ہے۔
بعض اوقات ایسا ہوتا ہے کہ آپ کوئی غلط کام کرتے ہیں لیکن آپکو اُس کے بارے میں بالکل علم نہیں ہوتا کہ یہ ایک غلط کام ہے۔تو اسکا یہ مطلب ہرگز نہیں ہو گا کہ ایک غلط کام کا اگر آپکو نہیں پتا تو وہ درست ہو گیا ہے۔
غلط کام ہمیشہ غلط ہوتا ہے چاہے اسے سرانجام دیتے ہوئے آپ بے خبر ہوں یا جس شخص کو دھوکا دیاجارہا ہے ، وہ بے خبر ہے۔
دونوں صورتوں میں غلط کام غلط ہے۔
ایک بات ہمیشہ یاد رکھیں ایک غلط کام یا برائی ساری دنیا کرنا شروع کر دے تو وہ اچھائی نہیں بن جائے گی۔وہ برائی ہی رہے گی۔

لوگ مجھے ایسے شخص کے طور پر جانیں گے جو صحیح اور غلط میں فرق کر سکتا ہے۔
اس فقرہ سے ظاہر ہوتا ہے کہ آپکا مشاہدہ کرنے کی طاقت / خصوصیت دوسرے لوگوں سے زیادہ ہے۔ یا آپ ہر چیز کو ایک منفرد انداز سے دیکھتے ہیں کہ آپ کیلئے اس چیز یا کام کیلئے رائے قائم کرنا آسان ہو جاتا ہے۔
ایسے لوگ جن کے بارے میں دوسروں کی مندرجہ بالا رائے ہو تو اس سے ظاہر ہوتا ہے کہ آپکا رکھ رکھاؤ معاشرہ میں دوسرے لوگوں سے بہتر ہے اور لوگ آپکی عزت آپکی خوبی کی وجہ سے کرتے ہیں۔
ایسے لوگ کسی بھی محکمہ یا ادارہ کو بہت زیادہ فائدہ پہنچا سکتے ہیں۔ کیونکہ بہت سے فیصلہ جات موقع پر لینے پڑے ہیں تو ایسے حالات میں ایسے لوگ اچھا فیصلہ کر سکتے ہیں۔
ریسکیو 1122، پولیس ڈیپارٹمنٹ اور بہت سے دوسرے محکمہ جات ہیں جہاں پر فوری مشاہدہ کے بارے فیصلہ لینا ضروری ہو جاتا ہے۔

لوگ کہتے ہیں کہ میں ایک اکیلا اور غیر موافق شخص ہوں۔
ایسا بالکل بھی نہیں ہونا چاہیے، اگر آپ ایک اکیلے شخص سمجھے جاتے ہیں تو اس کا مطلب ہے کہ آپ لوگوں میں گھل مل نہیں سکتے۔آپ کو اکیلا رہنا پسند ہے ۔
اسکے دو نقصانات ہو سکتے ہیں ایک تو یہ کہ آپ لوگوں میں خود کو ایڈجسٹ نہیں کر پاتے اور دوسرا یہ کہ آ پ کو کوئی نفسیاتی مسئلہ ہو سکتا ہے جس کیوجہ سے آپ اکیلے رہتے ہیں۔
کسی بھی محکمہ میں ایسے لوگوں کو اہمیت دی جاتی ہے جو ہر ماحول میں خود کو ایڈجسٹ کر سکیں او ر ایسے لوگوں کو سیلیکٹ کرنے میں احتیاط برتی جاتی ہے جو اکیلے پن کے شکار ہوں اور خود کو ماحول کے حساب سے ایڈجسٹ نہ کر سکیں۔