میں کبھی کبھی محسوس کرتا ہوں کہ مجھے بات کرنے کیلئے اپنی فطری خواہش کو ختم کرنا پڑتا ہے۔
انسان کے اندر بہت سی خواہشات ایسی ہوتی ہیں جنہیں بات کرتے ہوئے اظہار نہیں کیا جاسکتا۔
اور انسان کو ایسےمعاملات میں گھٹن بالکل بھی محسوس نہیں کرنی چاہیئے۔مندرجہ بالا فقرہ اس بات کا اظہار ہے کہ جیسے آپ نظر آتے ہیں ویسے آپ ہیں نہیں۔
آپ کو بات کرتے ہوئے اپن اصلیت چھپانی پڑتی ہے۔
سابقہ سوالات میں آپ اپنے آپکو ایسا ظاہر کر چکیں ہیں کہ جیسے آپ نظر آتے ہیں آپ ویسے ہی ہیں۔
اس لئے کسی بھی سوال کے دو جواب مت دیں۔

مجھے مایوس لوگوں کے ساتھ رہنا پسند نہیں ہے۔
مایوس صر ف وہ لوگ ہوتے ہیں جو حقیقت میں ڈرپوک ہوتے ہیں اور زندگی کی حقیقت کا سامنا نہیں کر سکتے۔
مایوس لوگوں کے ساتھ رہنے سے آپ میں بھی مایوسی کی عادت پلنے پھولنے لگے گی جس وجہ سے آپ بھی اپنا مقصد حاصل کرنے کیلئے ایک دو بار کوشش کے بعد مایوس ہو جائیں گے۔
جو لوگ مایوس نہیں ہوتے وہ بار بار کوشش کرتے ہیں اور آخر کا ر اپنے مقاصد کو حاصل کر لیتے ہیں۔اور اگر مایوس ہو کر انسان بیٹھ جائے تو وہ کبھی بھی کامیاب نہیں ہو سکتا۔
یہ بھی ذہن میں رکھیں کے آپکو ایسے بہت سے لوگ ملیں گے جو مایوس ہوں گےتو آپ نے ان کو اس مایوسی سے نکالنا ہے نہ کہ ان سے نفرت کرنی ہے۔
کوشش کریں کہ ان لوگوں کو ساتھ وقت گزاریں انکو مایوسی سے نکالیں لیکن انکی منفی مایوسی پر مبنی عادات مت اپنائیں۔

مجھے بہت زیادہ بولنے والے لوگوں پر غصہ آتا ہے۔
غصہ آنا ایک اچھی عادت نہیں ہے۔
اور عموما آپکو ایسے لوگوں سے سامنا کرنا پڑے گا جو بہت زیادہ بولتے ہیں۔ اس کا یہ مطلب نہیں ہے کہ آپ غصہ ہو جائیں۔
آپ اگر ریسکیو 1122 میں ملازمت کیلئے اپلائی کر رہے ہیں تو ذہن میں رکھیں کہ آپکو ایسے ایسے مریض اور مریضوں کے ساتھ لواحقین ملیں گے جو حد سے زیادہ باتیں کریں گے اور ہو سکتا ہے ان میں سے کوئی آپکو تھپڑ بھی رسید کر دے کیونکہ انکی دماغی حالت درست نہیں ہوتی حادثہ کیوجہ سے۔
اور جواب کے طور پر آپکو صرف اور صرف بردشت کرنا ہے ، غصہ کرنا تو بہت دور کی بات ہے۔
اس لئے اپنی اندر دوسروں کو سننے اور برداشت کرنے کا حوصلہ پیدا کریں تاکہ آپ معاشرہ میں ایک اچھے اور نارمل انسان کی طرح زندگی گزار سکیں۔

میں اکثر بات کرنے کیلئے مزاح کا استمعال کرتا ہوں۔
آپ ملازمت کیلئے کوشش کر رہے ہیں اور آپ جس امتحان میں شامل ہو رہے ہیں وہاں آپکو مزاحیہ گفتگو نہیں کرنی بلکہ آپکو سنجیدہ رہتے ہوئے لوگوں کی خدمت کرنی ہے۔
اگر تو آپ کسی ایسے شعبہ میں اپلائی کر رہے ہیں جہاں مزاح کا عمل دخل زیادہ ہے تو آپ رضامندی کا اظہار کریں گے اور اگر آپ ریسکیو 1122، پولیس ڈیپارٹمنٹ یا کسی اور بیلٹ فورس میں اپلائی کر رہے ہیں تو آپ رضامندی کا اظہار نہیں کریں گے اور کوشش کریں کہ اس قسم کے سوالات کا شدت سے جواب مت دیں۔

میں ہمیشہ اپنے اردگرد کے معاملات پر نظر رکھتا ہوں۔
اپنے اردگرد کے حالات و واقعات سے باخبر رہنا بہت اچھی عادت ہے۔لیکن کوشش کریں کہ دوسروں کے غیر ضروری معاملات میں مداخلت مت کریں۔
کسی بھی محکمہ میں حالات حاضرہ سے باخبر رہنے والے لوگوں کو ترجیح دی جاتی ہے لیکن آپکا یہ باخبر رہنا مثبت ہونا چاہیئے ، یہ نہ ہو کہ آپ دوسروں کی ٹوہ مٰں لگے رہیں ۔
آپکو ملکی حالات کے بارے میں آگاہی ہونی چاہیئے اور آپکو اپنے محکمہ کے بارے میں اردگر د کے عناصر کے بارے میں باخبر رہنا چاہیئے۔

میں کبھی کبھار سوچنے میں اتنا وقت لگاتا ہوں کہ میرا وقت ضائع ہو جاتا ہے۔
ہر کام کو سوچ سمجھ کر کرنا چاہیئے۔اگر کسی کام کو سوچے سمجھے بغیر شروع کر دیا جائے تو ہو سکتا ہے اس کام میں کامیابی کی بجائے ناکامی اور نقصانات کے مواقع زیادہ ہوں۔
لیکن یہ بھی درست نہ ہے کہ آپ ایک کام کو سوچنے بیٹھیں اور سارا دن اسی سوچ میں گزار دیں اور اس کام کو کرنے کیلئے آپ کے پاس ٹائم ہی نہ ہو۔
سوچنا چاہیئے لیکن ایک طریقہ کار کے مطابق تاکہ آپکی پلاننگ کے ساتھ ساتھ آپ اس پلاننگ پر عمل پیرا بھی ہو سکیں۔
کسی بھی کام کو اس انداز میں کریں کہ کام بھی پورا ہو جائے اور اس کام کی وجہ سے آپکی زندگی کے دوسرے کام متاثر نہ ہوں۔