میں اکثر گھر اور کار کی چابیاں بھول جاتا ہوں۔
کبھی کبھار تو کوئی بھی گھر ، گار ، بائیک وغیرہ کی چابیاں بھول سکتا ہے۔
لیکن اکثر بھول جانا ، یہ بھولنے کی بیماری ہو سکتی ہے۔
اور اگر آپ اکثر چیزیں بھول جاتے ہیں تو آپ دماغی طور پر کسی بھی سرکاری و غیر سرکاری ملازمت کے اہل نہ ہیں۔
اگر آپ ریسکیو 1122 میں سیلیکٹ ہو جاتے ہیں ں اور وہاں آپریشن کے دوران کسی متاثرہ شخص کو آپ بھول جاتے ہیں تو یہ بہت بڑا مسئلہ بن جائے گا۔
اگر آپ پولیس ڈیپارٹمنٹ میں سیلیکٹ ہوتے ہیں اور ریڈ کرنے جائیں اور اپنا اسلحہ پولیس اسٹیشن یا پولیس وین میں بھول جائیں تو کیسا ہو گا ؟؟؟؟
اس لئے اپنے آپکو بھولنے والی عادت سے بچائیں اور اگر آپ میں بھولنے کی عادت ہے تو فوری طور پر اپنا علاج کروائیں یا کسی ماہر نفسیات سے رابطہ کریں۔

جب کوئی غلط بات ہو جائے تو میں اپنے اردگرد کے لوگوں کی بجائے خود کو ذمہ دار ٹھہراتا ہوں۔
اکثر یہ پریکٹس دیکھنے میں آئی ہے کہ جب کوئی غلطی ہو جائے تو لوگ اس غلطی کو کسی اور پر ڈال دیتے ہیں چاہے وہ غلطی انکی اپنی ہو۔
اگر آپ میں اپنی غلطی کا اعتراف کرنے کا حوصلہ ہے تو آپ ایک بہادر اور حقیقت پسند انسان ہیں۔
اپنی غلطی کا اعتراف کرنا بری بات نہیں ہے ، یہ ایک مثبت پہلو ہے۔
لیکن یہ ہرگز مت کریں کہ بے جا دوسروں کی غلطیاں اپنے سر لیتےرہیں۔اگر آپ دوسروں کی ہر غلطی اپنے ذمہ لے رہیں ہیں تو یہ ایک نفسیاتی اور معاشرتی طور پر اچھا عمل نہیں ہے۔

مجھے کبھی کبھی اپنی صلاحیتوں پر شک ہوتا ہے۔
سابقہ فقرہ میں آپ یہ کہہ رہے ہیں کہ آپکو اپنی صلاحیتوں پر یقین ہے اور اس فقرہ میں آپ انکار کر رہے ہیں۔
یہ فقرہ پریشان کرنے اور آپکی مستقل مزاجی چیک کرنے کیلئے دیا گیا ہے۔آپ نے اس فقرہ کا وہی جواب دینا ہے جو پہلے دے چکے ہیں۔اگر اس کا جواب آپ نے تبدیل کر دیا تو اسکا مطلب ہے کہ آپ میں فیصلہ کرنے اور فیصلہ کرنے کے بعد اس پر ثابت قدم رہنے کا حوصلہ یا قوت نہیں ہے۔
اور اپنی صلاحیتوں پر شک کرنے کا پہلا مطلب یہ نکلتا ہے کہ آپ شکی مزاج ہیں دوسرا یہ کہ آپکو اپنی ذات پر اعتماد بالکل بھی نہیں ہے ۔ آپ میں خود اعتمادی بالکل نہیں ہے۔
نفسیاتی امتحان پاس کرنے کیلئے ضروری ہوتا ہے کہ آپ اپنے آپ میں خود اعتمادی کا اظہار کریں۔

میں اپنی صلاحیتوں کا قائل ہوں۔
انسان کو اپنے صلاحیتوں کے بارےمیں بخوبی علم ہونا چاہیئے۔ اگر آپکو اپنی صلاحیتوں کے بارے میں بخوبی علم ہے تو آپ آسانی سے اپنے مطلوبہ ہدف یا مقصد کو حاصل کر سکیں گے۔
جن لوگوں کو اپنی صلاحیتوں کے بارے میں علم ہوتا ہے وہ ہر کسی بھی محکمہ یا معاشرہ میں اپنی صلاحیتوں کا استمعال کرتے ہوئے جگہ بنا سکتے ہیں۔
اپنی صلاحیتوں کو جانتے ہوئے زندگی گزاریں تاکہ آپ اپنے ساتھ ساتھ عوام کی فلاح و بہبود کے لئے بھی کام کرسکیں۔
زیادہ تر لوگ زندگی میں اسی لئے ناکام ہو جاتے ہیں کہ وہ اپنی صلاحیتوں کو بروئے کار نہیں لاتے اور دوسرے لوگوں کی سوچ کو اپنے اوپر مسلط کر لیتے ہیں۔

میں تنقید کا آسانی سے مقابلہ کر سکتا ہوں۔
تنقید عموما لوگوں کو اس قدر مایوس کرتی ہے کہ وہ کامیابی کے بالکل پاس آ کر لوٹ جاتے ہیں۔
جو لوگ تنقید کا سامنا نہیں کر سکتے وہ عموما زندگی میں ناکام ہو جاتے ہیں۔اور جو لوگ تنقید کا سامنا کرتے ہیں او ر مقابلہ کرتے ہیں تو وہ ایسے نتائج لیکر آتے ہیں ۔
تنقید سے مثبت نتائج انہی لوگوں کو حاصل ہوتے ہیں جو تنقید کا خندہ پیشانی کا مقابلہ کرتے ہیں۔اگر آپ میں تنقید کا سامنا کرنے کا حوصلہ ہے تو آپ زندگی کے بہت سے معاملات دوسرے لوگوں سے بہتر سرانجام دے سکیں گے۔

اگر میں کسی کام کو آخری تاریخ تک نہ کر پاؤں تو میں کسی قسم کا برا محسوس نہیں کرتا۔
اس فقرہ میں پہلی بات تو یہ ہے جو آپکے خلاف جائے گی کہ آپ کسی کام کو کرنے کیلئے آخری تاریخ کا انتظار کرتے ہیں۔ دوسرا یہ کہ آپ اگر کامیاب نہ ہوں تو آپکو کسی قسم کا برا محسوس نہیں ہوتا۔
اس کا مطلب ہے ک آپکی زندگی کا کوئی خاص مقصد نہ ہے۔کیونکہ جن لوگوں کی زندگی کا کوئی مقصد ہوتا ہے وہ اس مقصد کو حاصل کرنے کیلئے کوشش کرتے ہیں اور اپنی ناکامیوں سے سیکھتے ہیں ۔
جب کسی انسان کو اپنی ناکامیوں کا احساس ہی نہیں ہو گا تو وہ سیکھے گا کیسے ؟
اس لئے ہمیشہ اپنے آپکو سیکھنے کے مراحل میں ظاہر کریں اور اور آپکا عمل ایک پروفیشنل جیسا ہو۔تب آپ ایک کامیاب انسان بن پائیں گے۔

میں لوگوں کو نیچا دکھانے کی فکر میں رہتا ہوں۔
ہمیشہ اسی فکر میں رہنا کہ آپ دوسروں کو نیچا دکھا سکیں۔ یا دوسروں کو بے عزت کریں تو یہ کوئی اچھی بات نہ ہے۔
مثبت سوچ کے حامل افراد اپنے کام سے کام رکھتے ہیں اور کوشش کر تے ہیں کہ دوسروں کو پریشان کرنے کی بجائے دوسروں کیلئے آسانیاں تلاش کرتے ہیں۔
دوسروں کی برائیاں تلاش کرتے رہنا اور دوسروں کی کمزوریاں ڈھونڈتے رہنا منفی سوچ کے حامل افراد کی نشانی ہے۔
اور منفی سوچ کے حامل افراد کو کسی بھی محکمہ یا معاشرہ میں پسند نہیں کیا جاتا۔
یہ ایک اخلاقیات سے گری ہوئی حر کت ہے۔

میں اکثر محسوس کرتا ہوں کچھ لوگوں نے اپنا معیار بہت اونچا رکھا ہے۔
آپکو چاہیئے کہ آپ دوسروں کے لائف سٹینڈرڈ کی بجائے اپنی خود کی زندگی پر توجہ دیں۔ اور دوسروں کی اچھائیوں کو نوٹ کریں ان سے سیکھیں اور دوسروں کی برائیوں یا بری عادتوں کو مت اپنائیں اور نہ ہی ان کے بارے میں سوچیں۔
اس فقرہ سے ظاہر ہوتا ہے کہ آپ احساس کمتری کا شکار ہیں یا آپ دوسروں سے حسد کرتے ہین۔
ہر انسان کا اسکی محنت کے مطابق معیار ہوتا ہے اور انسان کا معیار ہونا بھی اسکی تعلیم ، ہنر اور محنت کی وجہ سے۔
اس لئے اس قسم کے سوالات میں یہ ظاہر کریں کہ آپ کیلئے یہ بات کوئی معنی نہیں رکھتی کہ آپ لوگوں کے بارے میں اتنا زیادہ سوچتے ہیں۔
اگر آپ پولیس فورس جوائن کرنا چاہتے ہیں تو پھر تو آپ کسی امیر آدمی کے خلاف کبھی بھی کاروائی نہ کر سکیں گے۔
اس قسم کے سوالات میں خود کو انجان ظاہر کریں۔

میں جیسا انسان ہوں اور جیسا انسان میں بننا چاہتا تھا ، ان دونوں میں بہت فرق ہے۔
اگر آپ اپنی موجودہ زندگی کی حیثیت سے مطمئن نہیں ہیں تو آپکو عملی زندگی میں بہت سی پریشانیاں ہو سکتی ہیں اور آپ بہت سے معاملات کو عام لوگوں کیطرح حل نہیں کر سکیں گے۔
جو لوگ اپنے آپ سے مطمئن نہیں ہوتے وہ درست فیصلہ نہیں کر پاتے۔
بہت سے معاملات میں انکے فیصلہ جات میں مفاد کم اور نقصان زیادہ ہوتا ہے۔اس لئے نفسیاتی امتحان میں اپنے آپکو مطمئن انسان ظاہر کریں ۔کیونکہ مطمئن انسان سب سے بہتر فیصلہ کر سکتے ہیں۔

کچھ لوگ اپنی کوتاہیوں کی وجہ سے بہت کچھ برداشت کرتے ہیں۔
اس فقرہ میں آپکا تجربہ چیک کی جا رہا ہے کہ آپ کو پریکٹیکل لائف کا کتنا تجربہ ہے۔
اگر آپ نے زندگی میں بہت سے معاملات دیکھے ہیں تو آپ جانتے ہیں کہ کوتاہیوں کی وجہ سے عموما نقصانات ہی سرزد ہوتے ہیں۔
اور بہت کم ایسا ہوتا ہے کہ کوتاہی کی وجہ سے نقصان نہ ہو۔
اس لئے اس فقرہ کے جواب کے طور پر اپنا تجربہ بیان کریں لیکن کوشش کریں کہ ایسا جواب دیں جو حقیقت پر مبنی ہو۔