یکم اکتوبر 1906 کو مسلمانوں کا ایک وفد سر آغا خان کی قیادت میں وائسرائے لارڈ منٹو سے شملہ انڈیا میں ملا۔یہ ملاقات بھارت کے شہر شملہ میں ہوئی اسلئے اسے شملہ وفد کا نام دیا گیا۔ اس ملاقات میں اس وفد نے اپنے مطالبات لارڈ منٹو کے سامنے رکھے جن میں مسلمانوں کیلئے جداگانہ انتخابات کا مطالبہ تھا۔وہ مسلمان جو قانون کی ڈگری رکھتے ہیں انھیں کورٹس میں بطور جج مقرر کیا جائے۔گزٹیڈ اور نان گزٹیڈ ملازمتوں میں مسلمانوں کو کوٹہ دیا جائے۔تعلیمی اداروں میں مسلمانوں کیلئے نشستیں مختص کی جائیں۔مسلمانوں کو اپنے لئے یونیورسٹی قائم کرنے کیلئے مالی امداد دی جائےتاکہ وہ اپنی دینی تعلیمات کے مطابق اپنے بچوں کو تعلیم دے سکیں۔