شیطان کو بسم اللہ واللہ اکبر دُعا پڑھ کر کنکریاں ماری جاتی ہیں۔
شیطانوں (جمرات) کی تعداد تین ہے، ایک سب سے چھوٹا شیطان جسے جمرہ صغری کہتے ہیں، اُس سے بڑے شیطان کو جمرہ وسطی کہتے ہیں اور سب سے بڑے شیطان کو جمرہ عقبی کہا جاتا ہے۔
شیطانوں (جمرات ) کو پتھر مارنے کے عمل کو رمی کہا جاتا ہے۔

مزدلفہ ، منی اور عرفات کے درمیان واقع ہے۔
حجاج کرام مزدلفہ میں 9 ذوالحجہ کو مغرب کے بعد آتے ہیں اور رات کھلے آسمان تلے بسر کرتے ہیں۔
مزدلفہ مکہ سے تقریبا 9 میل کے فاصلے پر ہے۔
مزدلفہ منی سے تقریبا 3 میل کے فاصلے پر ہے۔

جب ابراہیم علیہ السلام اللہ کے حکم کو پُورا کرنے کیلئے اسماعیل علیہ السلام کو ذبح کرنے کیلئے جا رہے تھے تو اُس وقت جہاں جمرہ عقبہ ہے ، وہاں شیطان ،ابراہیم علیہ السلا م کے پاس آیا اور ابراہیم علیہ السلام نے اِسے سات کنکریاں ماریں او ر وہ زمین میں دھنس گیا۔
پھر دوبارہ شیطان ، ابراہیم علیہ السلام کے پاس آیا، وہاں جہاں پر جمرہ وسطی موجود ہے اور ابراہیم علیہ السلام نے اِسے دوبارہ سات کنکریاں ماریں اور وہ زمین میں دھنس گیا۔
پھر تیسری بار دوبارہ شیطان ، ابراہیم علیہ السلام کے پاس آیا، جہاں پر تیسرہ جمرہ موجود ہے اور ابراہیم علیہ السلام نے اِسے دوبارہ سات کنکریاں ماریں اور وہ زمین میں دھنس گیا۔
ابراہیم علیہ السلام کی اِسی سنت کی مناسبت سے شیطان کو کنکریاں ماری جاتی ہیں، رمی کیا جاتا ہے ۔جس سے شیطان مزید رُسوا ہوتا ہے۔

وقوفِ عرفات سے مراد میدانِ عرفات میں قیام کرنا ہے۔

سعی صفا سے شروع ہوتی ہے اور مروہ پر ختم ہوتی ہے۔

جبل رحمت وہ جگہ ہے جس جگہ آپ ﷺ نے آخری خطبہ دیا۔