کولہے پر کوئی بھی ویکسین نہیں لگانی چاہیئے۔
تمام ویکسین مسلز میں لگائی جاتی ہیں ۔کولہے پر ویکسین لگانے سے اندیشہ ہوتا ہے کہ ویکسین مسلز کی بجائے فیٹ میں لگ سکتی ہے۔
کولہے پر ویکسین لگانے سے سائٹک نرو کو نقصان پہنچ سکتا ہے۔سائٹک نرو سب سے لمبی نرو ہے جو ریڑھ کی ہڈی کے آخر سے شروع ہوتی ہے اور گھٹنے کے پیچھے سے گزرتے ہوئے ایڑھی تک جاتی ہے۔

میزلز، بی سی جی، نیموکوکل اور پینٹا ویلنٹ محلول کو ملانے کے 6 گھنٹے تک استمعال کی جا سکتی ہیں۔اُسکے بعد یہ ویکسین ضائع کر دی جائے۔
او پی وی، آئی پی وی اور ٹیٹنس کے ویکسین باربار استمعال ہو سکتی ہے بشرطیکہ اُسکی آخری تاریخ نہ گزری ہو اور اُسے مطلوبہ درجہ حرارت (کولڈ چین) پر رکھا گیا ہو۔

شیر خوار اور چھوٹے بچوں کو اگر ران پر انجیکشن لگانا ہو تو اِس صورت میں ران کے سب سے بڑے مسل کا انتخاب کریں۔
بچوں میں ران کے سب سے بڑے مسلز کو ویسٹس لیٹریلس مسلز کہتے ہیں جو ران کی باہر والی سائیڈ پر ہوتا ہے۔

ایک بازو پر دو ویکسین لگانے کیلئے کوشش کریں جس جگہ ایک ویکسین لگا دی ہے تو دوسری ویکسین اُسی بازو پر کم از کم ایک انچ کے فاصلہ سے لگائی جائے۔
اگر فاصلہ زیادہ ہو تو کوئی حرج نہیں ہے لیکن ایک انچ سے کم نہ ہو۔

اگر ای پی آئی کی تمام ویکسین بچے کو ایک ساتھ دی جائیں تو زیادہ مؤثر ثابت ہوں گی۔
ویکسین بیک وقت دینے میں کوئی حرج نہیں لیکن ایک وقت میں صرف ایک خوراک دیں اور ہر ویکسین کیلئے سرنج کو لازمی بدلیں۔
لیکن ایک سے زیادہ خوراک والی ویکسین میں کم از کم 4 ہفتوں کا وقفہ لازمی رکھیں۔

ٹی ٹی کے دو ٹیکے تشنج سے تین سال تک محفوظ رکھتے ہیں۔
ٹی ٹی کے تین ٹیکے تشنج سے 5 سال تک محفوظ رکھتے ہیں۔
ٹی ٹی کے چار ٹیکے تشنج سے دس سال تک محفوظ رکھتے ہیں۔
ٹی ٹی کے پانچ ٹیکے تشنج سے 20 سال تک محفوظ رکھتے ہیں۔

تشنج کا ٹیکہ بائیں بازو پر 90 ڈگری کے زاویہ پر لگایا جاتا ہے۔
تشنج کے ٹیکہ کو ٹی ٹی کا ٹیکہ بھی کہا جاتا ہے۔
تشنج بیکٹیریا سے پھیلنے والا ایک جان لیوا مرض ہے۔

ڈی پی ٹی کی تین خوراک ہوتی ہیں۔
پہلی خوراک پیدائش کے 6 ہفتہ، دوسری خوراک 10 ہفتہ اور تیسری خوراک 14 ہفتہ بعد لگائی جاتی ہے۔
ڈی پی ٹی کا انجیکشن دائیں ران کے پٹھے میں جلد کی بیرونی تہہ میں لگایا جاتا ہے۔

بی سی جی کا انجیکشن دوسری ویکسینیشن / انجیکشن سے مشکل ہے۔اس لئے اس نجیکشن کی ٹریننگ / تربیت نہایت ضروری ہے۔