ڈرائیور کیبن میں موجود شیشہ پیچھے سے آنے والی ٹریفک کو دیکھنے کیلئے استمعال ہوتا ہے۔
اور یہ درمیان والا شیشہ ڈرائیونگ کے دورا ن انتہائی اہمیت کا حامل ہوتا ہے۔

گاڑی کا سٹیئرنگ سسٹم گاڑی کو دائیں ، بائیں موڑنے اور گاڑی کو کنٹرول کرنے کا کام کرتا ہے۔

گاڑی کے سٹیئرنگ کو گریس کرنا یا پُرانی گاڑیوں میں ہوتا تھا۔
اب تو جدید دور میں جو گاڑیاں ہیں اُن میں گریس کی ضرورت نہیں ہوتی۔

گاڑی کے ڈیش بورڈ پر کوشش کریں کہ کوئی بھی غیر ضروری چیز مت رکھیں۔
اگر آپ کی گاڑی کے ڈیش بورڈ پر مختلف چیزیں رکھی ہوئی ہیں تواِس کا مطلب ہے کہ آپ ایک پروفیشنل ڈرائیور نہیں ہیں۔

ڈرائیور چاہے سرکاری افسر کا ہو یا ڈومیسٹک یا کمرشل گاڑی کا ہو، ڈرائیور کو چاہیئے کہ وہ گاڑی کے بارے میں تمام معلومات رکھے اور اُسے تمام رستوں کے بارے میں معلومات ہونی چاہئے۔
سرکاری ڈرائیور کا ذکر یہاں اس لئے کیا گیا ہے کیونکہ سرکاری افسر کے پاس ٹائم کم ہوتا ہے اس لئے ڈرائیور کے پاس تجربہ کرنے یا ٹرائل کرنے کا وقت نہیں ہوتا کہ وہ عین موقع پر روٹ، گاڑی وغیرہ کے بارے میں معلومات حاصل کرے۔

ایکسپریس وے اور موٹر وے تقریبا ایک جیسی ہی ہوتی ہیں۔
فرق صرف اتنا ہےکہ موٹر وے پر قوانین زیادہ ہوتے ہیں اور ایکسپریس وے پر قوانین میں تھوڑی نرمی ہوتی ہے۔

جب گاڑی کو چلایا جاتا ہے اور دائیں بائیں موڑا جاتا ہے یا دائیں بائیں کراسنگ میں سٹیئرنگ کا استمعال کر کے ٹائروں کو حرکت دی جاتی ہے تو ٹائر بہت تیزی سے گھستے ہیں۔