ان وجوہات کے علاوہ بچے میں غیر معمولی غنودگی کا مسئلہ بھی سامنے آ سکتا ہے۔
اگر یہ تمام یا اِن میں سے کوئی ایک ردعمل بھی مشاہدے میں آئے تو فورا محکمہ صحت کے کارکن سے رابطہ کریں۔

ہر ویکسی نیٹر کو تمام ڈیفالٹر ز کے بارے میں معلومات یاد ہونی چاہیئے۔

کن پیڑ کو انگریزی میں ممپس / اورینلز کہتے ہیں۔
کن پیڑ بیماری کے علاج میں لاپرواہی برتنے سے گردن توڑ بخار، گردن اور ریڑھ کی ہڈیوں میں انفیکشن، بہرہ پن اور بانجھ پن جیسی بیماریاں لاحق ہو سکتی ہیں۔

حفاظتی ٹیکہ لگوانے کے بعد آپ متعلقہ مرکز / کلینک میں 15 سے 20 منٹ انتظار کریں ۔
اس کا فائدہ یہ ہو گا کہ اگر حفاظتی ٹیکہ / ویکسین کے بعد کوئی الرجی یا ری ایکشن کا سامنا ہو تو فوری کا اُسکا حل نکالا جا سکے۔
عموما یہ ہوتا ہے کہ اگر مریض 15 سے 20 منٹ تک تندرست ہے تو اُسے ویکسین / حفاظتی ٹیکہ کے منفی رد عمل کا سامنا نہیں کرنا پڑتا۔

اد رکھیں ریادہ تر بچوں کو یہ تمام علامات محسوس یا ظاہر نہیں ہوتیں۔بچے معمول کے مطابق کھیلتے ہیں۔
بعض اوقات جس جگہ پر سُوئی لگائی جاتی ہے وہاں درد ہوتاہے یا وہ جگہ سُرخ ہو جاتی ہے۔
چند بچوں میں یہ علامات ظاہر ہو سکتی ہیں ۔اور یہ رد عمل حفاظتی ٹیکہ کے 12 سے 24 گھنٹے تک ختم ہو جاتا ہے۔
آپ درد کم کرنے یا بخار کیلئے ویکسینیٹر / معالج کے مشورے سے میڈیسن استمعال کر سکتے ہیں۔

حفاظتی ٹیکہ لگانے سے جسم میں اینٹی باڈیز پیدا ہوتی ہیں۔
اور جس بیماری سے متعلقہ یہ حفاظتی ٹیکہ ہوتا ہے اُس بیماری کے جراثیم مستقبل میں اگر جسم پر حملہ آور ہوں تو قوت مدافعت اور اینٹی باڈیز فورا اُنھیں پہچان لیتی ہیں اور اُن جراثیم کو مار دیتی ہیں۔

زیادہ تر حفاظتی ٹیکے بچے کے بازو کے اُوپر والے حصہ میں یا ٹانگ کے اوپر والے حصے (ران) پر سُوئی کی مدد سے لگائے جاتے ہیں۔
چند حفاظتی دوائیاں / ٹیکے بچوں کو منہ کے ذریعے پلائے جاتے ہیں۔
اورچند حفاظتی دوائیاں / ٹیکے بچوں کو ناک میں سپرے کے ذریعے بھی دیئے جاتے ہیں۔