نیشنل میوزیم کراچی پاکستان کا سب سے بڑا میوزیم ہونے کے ساتھ ساتھ پاکستان کا پہلا میوزیم بھی ہے۔اس میوزیم کو 17 اپریل 1950 کو فریئر ہال کراچی میں قائم کیا گیا۔ جس جگہ پر نیشنل میوزیم کو بنایا گیا ہے وہاں پر پہلے برطانوی دورِ حکومت میں وکٹوریہ میوزیم تھا جسے 1865 میں قائم کیا گیا تھا۔یہ میوزیم فیڈرل گورنمنٹ کے زیر انتظام ہے۔دُنیا کا سب سے بڑا میوزیم لورے میوزیم ہے جو پیرس ، فرانس میں واقع ہے۔

صوبہ پنجاب آبادی کے لحاظ سے پاکستان کا سب سے بڑا صوبہ ہے اور رقبہ کے لحاظ سے پاکستان کا دُوسرا بڑا صوبہ ہے۔صوبہ سندھ اور صوبہ خیبر پختونخوا بالترتیب تیسرے اور چوتھے نمبر پر پاکستان کے بڑے صوبے ہیں۔صوبہ بلوچستان رقبہ کے لحاظ سے پاکستان کا سب سے بڑا صوبہ ہے جبکہ آبادی کے لحاظ سے پاکستان کا سب سے چھوٹا صوبہ ہے۔صوبہ بلوچستان کا کُل رقبہ 3،47190 مربع کلومیٹر ہے۔صوبہ پنجاب کا کُل رقبہ 2،05،344 مربع کلومیٹر ہے۔صوبہ سندھ کا کُل رقبہ 1،40،914 مربع کلومیٹر ہے۔صوبہ خیبر پختونخوا کا کُل رقبہ 1،01،741مربع کلومیٹر ہے۔گلگت بلتستان کا کُل رقبہ 72،971کلومیٹر ہے۔آزاد جموں کشمیر کا کُل رقبہ 13،297 مربع کلومیٹر ہے۔

جنرل یحیی خان کا پورا نام آغا محمد یحیی خان تھا۔کمانڈر اِن چیف کو مختصر کر کے سی اِن سی بھی لکھا جاتا ہے۔کمانڈر اِن چیف کا عہدہ پاکستان آرمی میں 1972 میں ختم کر دیا گیا اور چیف آف آرمی سٹاف کا عہدہ 1972 میں متعارف کروا دیا گیا۔جنرل آغا محمد یحیی خان نے 1966 سے 1971 تک بطور کمانڈر اِن چیف پاکستان آرمی خدمات سر انجام دیں۔آپ نے 1969 سے 1971 تک پاکستان کے تیسرے صدر کے طور پر فرائض سر انجام دیئے۔