ابو جہل کا اصل نام عمر بن ہشام تھا۔عمر بن ہشام کا عرب میں ایک نام تھا۔عرب کے لوگ عمر بن ہشام کو ابو دانا (عقلمندوں کا باپ) کہتے تھے۔جب نبی ﷺ نے عمر بن ہشام کو دعوت الی اللہ دی اور اُس نے انکار کر دیا۔تب نبی ﷺ نے فرمایا تم ابو دنا(عقل مندوں کے باپ ) نہیں بلکہ تم تو ابو جہل ( جاہلوں کے باپ ) ہو۔تب سے عمر بن ہشام کو ابو جہل کے نام سے جانا اور پکارا جاتا ہے اور قیامت تک اسی نام سے پکارا جاتا رہے گا۔

سورہ الفاتحہ قرآن مجید کی پہلی سورہ ہے۔فاتحہ کا مطلب ہے کسی مضمون کا آغاز۔سورہ الفاتحہ 7 آیات اور 1 رکوع پر مشتمل ہے۔سورہ الفاتحہ مکی سورہ ہے۔سورہ الفاتحہ کا ذکر مختلف 20 ناموں سے کیا جاتا ہے جن میں سورہ صلوۃ، سورہ سوال، سورہ مناجات، سورہ دعا ، سورہ شفا اور مزید 15 نام شامل ہیں۔سورہ فاتحہ ہر نماز/صلوۃ میں پڑھی جانے والی سورہ ہے۔یہ ایک ایسی سورہ ہے کہ اگر اسے نماز/ صلوۃ میں نہ پڑھا جائے تو نماز مکمل نہیں ہوتی۔

قلعہ قموس پر قبیلہ بنو نادر کی حکمرانی تھی۔قلعہ قموس مدینہ، سعودی عرب سے 150 کلومیٹر کے فاصلہ پر خیبر کے مقام پر واقع ہے۔قلعہ قموص کوغزوہ خیبر میں فتح کیا گیا۔غزوہ خیبر 7 ہجری میں لڑا گیا۔غزوہ خیبر میں مسلمانوں کی تعداد تقریبا 1600 تھی اور یہودی جنگجوؤں کی تعداد تقریبا 20 ہزار تھی۔قلعہ قموص کا شمار یہودیوں کے سب سے مضبود قلعہ میں ہوتا تھا۔اس قلعہ کا سرادار راحب تھا جس کے بارے میں مشہور تھا کہ یہ ایک ہزار سپاہیوں سے اکیلے لڑسکتا ہے۔ علی رضی اللہ تعالی عنہ نے راحب کو قتل کیا اور قلعہ قموص فتح ہوا۔ اس غزوہ میں 93 یہودی مارے گئے اور 15 مسلمان شہید ہوئے۔

آخری نبی ﷺ کی چار بیٹیاں تھیں اور تین بیٹے تھے۔آپ ﷺ کی بیٹیوں میں فاطمہ رضی اللہ تعالی عنہا، ام کلثوم رضی اللہ تعالی عنہا، رقیہ رضی اللہ تعالی عنہا اور زینب رضیاللہ تعالی عنہا شامل ہیں۔آپ ﷺ کے بیٹو ں میں قاسم رضی اللہ تعالی عنہ، ابراہیم رضی اللہ تعالی عنہ اور عبداللہ رضی اللہ تعالی عنہ شامل ہیں۔ابراہیم رضی اللہ تعالی عنہ ، ماریہ قبطیہ رضی اللہ تعالی عنہا کے بطن سے پیدا ہوئے جبکہ نبی ﷺ کی باقی تمام اولاد خدیجہ رضی اللہ تعالی عنہا کے بطن سے پیدا ہوئی۔

آخری نبی ﷺ کی تمام ازواجِ مطہرات جنت البقیع میں دفن ہیں ماسوائے خدیجہ رضی اللہ تعالی عنہا اور میمونہ رضی اللہ تعالی عنہا۔
خدیجہ رضی اللہ تعالی عنہا اور میمونہ رضی اللہ تعالی عنہا جنت المعلی ، مکہ میں دفن ہیں۔