مجھے مایوس لوگوں کے ساتھ رہنا پسند نہیں ہے۔
مایوس صر ف وہ لوگ ہوتے ہیں جو حقیقت میں ڈرپوک ہوتے ہیں اور زندگی کی حقیقت کا سامنا نہیں کر سکتے۔
مایوس لوگوں کے ساتھ رہنے سے آپ میں بھی مایوسی کی عادت پلنے پھولنے لگے گی جس وجہ سے آپ بھی اپنا مقصد حاصل کرنے کیلئے ایک دو بار کوشش کے بعد مایوس ہو جائیں گے۔
جو لوگ مایوس نہیں ہوتے وہ بار بار کوشش کرتے ہیں اور آخر کا ر اپنے مقاصد کو حاصل کر لیتے ہیں۔اور اگر مایوس ہو کر انسان بیٹھ جائے تو وہ کبھی بھی کامیاب نہیں ہو سکتا۔
یہ بھی ذہن میں رکھیں کے آپکو ایسے بہت سے لوگ ملیں گے جو مایوس ہوں گےتو آپ نے ان کو اس مایوسی سے نکالنا ہے نہ کہ ان سے نفرت کرنی ہے۔
کوشش کریں کہ ان لوگوں کو ساتھ وقت گزاریں انکو مایوسی سے نکالیں لیکن انکی منفی مایوسی پر مبنی عادات مت اپنائیں۔

مجھے بہت زیادہ بولنے والے لوگوں پر غصہ آتا ہے۔
غصہ آنا ایک اچھی عادت نہیں ہے۔
اور عموما آپکو ایسے لوگوں سے سامنا کرنا پڑے گا جو بہت زیادہ بولتے ہیں۔ اس کا یہ مطلب نہیں ہے کہ آپ غصہ ہو جائیں۔
آپ اگر ریسکیو 1122 میں ملازمت کیلئے اپلائی کر رہے ہیں تو ذہن میں رکھیں کہ آپکو ایسے ایسے مریض اور مریضوں کے ساتھ لواحقین ملیں گے جو حد سے زیادہ باتیں کریں گے اور ہو سکتا ہے ان میں سے کوئی آپکو تھپڑ بھی رسید کر دے کیونکہ انکی دماغی حالت درست نہیں ہوتی حادثہ کیوجہ سے۔
اور جواب کے طور پر آپکو صرف اور صرف بردشت کرنا ہے ، غصہ کرنا تو بہت دور کی بات ہے۔
اس لئے اپنی اندر دوسروں کو سننے اور برداشت کرنے کا حوصلہ پیدا کریں تاکہ آپ معاشرہ میں ایک اچھے اور نارمل انسان کی طرح زندگی گزار سکیں۔

میں اکثر بات کرنے کیلئے مزاح کا استمعال کرتا ہوں۔
آپ ملازمت کیلئے کوشش کر رہے ہیں اور آپ جس امتحان میں شامل ہو رہے ہیں وہاں آپکو مزاحیہ گفتگو نہیں کرنی بلکہ آپکو سنجیدہ رہتے ہوئے لوگوں کی خدمت کرنی ہے۔
اگر تو آپ کسی ایسے شعبہ میں اپلائی کر رہے ہیں جہاں مزاح کا عمل دخل زیادہ ہے تو آپ رضامندی کا اظہار کریں گے اور اگر آپ ریسکیو 1122، پولیس ڈیپارٹمنٹ یا کسی اور بیلٹ فورس میں اپلائی کر رہے ہیں تو آپ رضامندی کا اظہار نہیں کریں گے اور کوشش کریں کہ اس قسم کے سوالات کا شدت سے جواب مت دیں۔

میں ہمیشہ اپنے اردگرد کے معاملات پر نظر رکھتا ہوں۔
اپنے اردگرد کے حالات و واقعات سے باخبر رہنا بہت اچھی عادت ہے۔لیکن کوشش کریں کہ دوسروں کے غیر ضروری معاملات میں مداخلت مت کریں۔
کسی بھی محکمہ میں حالات حاضرہ سے باخبر رہنے والے لوگوں کو ترجیح دی جاتی ہے لیکن آپکا یہ باخبر رہنا مثبت ہونا چاہیئے ، یہ نہ ہو کہ آپ دوسروں کی ٹوہ مٰں لگے رہیں ۔
آپکو ملکی حالات کے بارے میں آگاہی ہونی چاہیئے اور آپکو اپنے محکمہ کے بارے میں اردگر د کے عناصر کے بارے میں باخبر رہنا چاہیئے۔

میں کبھی کبھار سوچنے میں اتنا وقت لگاتا ہوں کہ میرا وقت ضائع ہو جاتا ہے۔
ہر کام کو سوچ سمجھ کر کرنا چاہیئے۔اگر کسی کام کو سوچے سمجھے بغیر شروع کر دیا جائے تو ہو سکتا ہے اس کام میں کامیابی کی بجائے ناکامی اور نقصانات کے مواقع زیادہ ہوں۔
لیکن یہ بھی درست نہ ہے کہ آپ ایک کام کو سوچنے بیٹھیں اور سارا دن اسی سوچ میں گزار دیں اور اس کام کو کرنے کیلئے آپ کے پاس ٹائم ہی نہ ہو۔
سوچنا چاہیئے لیکن ایک طریقہ کار کے مطابق تاکہ آپکی پلاننگ کے ساتھ ساتھ آپ اس پلاننگ پر عمل پیرا بھی ہو سکیں۔
کسی بھی کام کو اس انداز میں کریں کہ کام بھی پورا ہو جائے اور اس کام کی وجہ سے آپکی زندگی کے دوسرے کام متاثر نہ ہوں۔

میں اکثر گھر اور کار کی چابیاں بھول جاتا ہوں۔
کبھی کبھار تو کوئی بھی گھر ، گار ، بائیک وغیرہ کی چابیاں بھول سکتا ہے۔
لیکن اکثر بھول جانا ، یہ بھولنے کی بیماری ہو سکتی ہے۔
اور اگر آپ اکثر چیزیں بھول جاتے ہیں تو آپ دماغی طور پر کسی بھی سرکاری و غیر سرکاری ملازمت کے اہل نہ ہیں۔
اگر آپ ریسکیو 1122 میں سیلیکٹ ہو جاتے ہیں ں اور وہاں آپریشن کے دوران کسی متاثرہ شخص کو آپ بھول جاتے ہیں تو یہ بہت بڑا مسئلہ بن جائے گا۔
اگر آپ پولیس ڈیپارٹمنٹ میں سیلیکٹ ہوتے ہیں اور ریڈ کرنے جائیں اور اپنا اسلحہ پولیس اسٹیشن یا پولیس وین میں بھول جائیں تو کیسا ہو گا ؟؟؟؟
اس لئے اپنے آپکو بھولنے والی عادت سے بچائیں اور اگر آپ میں بھولنے کی عادت ہے تو فوری طور پر اپنا علاج کروائیں یا کسی ماہر نفسیات سے رابطہ کریں۔

جب کوئی غلط بات ہو جائے تو میں اپنے اردگرد کے لوگوں کی بجائے خود کو ذمہ دار ٹھہراتا ہوں۔
اکثر یہ پریکٹس دیکھنے میں آئی ہے کہ جب کوئی غلطی ہو جائے تو لوگ اس غلطی کو کسی اور پر ڈال دیتے ہیں چاہے وہ غلطی انکی اپنی ہو۔
اگر آپ میں اپنی غلطی کا اعتراف کرنے کا حوصلہ ہے تو آپ ایک بہادر اور حقیقت پسند انسان ہیں۔
اپنی غلطی کا اعتراف کرنا بری بات نہیں ہے ، یہ ایک مثبت پہلو ہے۔
لیکن یہ ہرگز مت کریں کہ بے جا دوسروں کی غلطیاں اپنے سر لیتےرہیں۔اگر آپ دوسروں کی ہر غلطی اپنے ذمہ لے رہیں ہیں تو یہ ایک نفسیاتی اور معاشرتی طور پر اچھا عمل نہیں ہے۔

مجھے کبھی کبھی اپنی صلاحیتوں پر شک ہوتا ہے۔
سابقہ فقرہ میں آپ یہ کہہ رہے ہیں کہ آپکو اپنی صلاحیتوں پر یقین ہے اور اس فقرہ میں آپ انکار کر رہے ہیں۔
یہ فقرہ پریشان کرنے اور آپکی مستقل مزاجی چیک کرنے کیلئے دیا گیا ہے۔آپ نے اس فقرہ کا وہی جواب دینا ہے جو پہلے دے چکے ہیں۔اگر اس کا جواب آپ نے تبدیل کر دیا تو اسکا مطلب ہے کہ آپ میں فیصلہ کرنے اور فیصلہ کرنے کے بعد اس پر ثابت قدم رہنے کا حوصلہ یا قوت نہیں ہے۔
اور اپنی صلاحیتوں پر شک کرنے کا پہلا مطلب یہ نکلتا ہے کہ آپ شکی مزاج ہیں دوسرا یہ کہ آپکو اپنی ذات پر اعتماد بالکل بھی نہیں ہے ۔ آپ میں خود اعتمادی بالکل نہیں ہے۔
نفسیاتی امتحان پاس کرنے کیلئے ضروری ہوتا ہے کہ آپ اپنے آپ میں خود اعتمادی کا اظہار کریں۔

میں اپنی صلاحیتوں کا قائل ہوں۔
انسان کو اپنے صلاحیتوں کے بارےمیں بخوبی علم ہونا چاہیئے۔ اگر آپکو اپنی صلاحیتوں کے بارے میں بخوبی علم ہے تو آپ آسانی سے اپنے مطلوبہ ہدف یا مقصد کو حاصل کر سکیں گے۔
جن لوگوں کو اپنی صلاحیتوں کے بارے میں علم ہوتا ہے وہ ہر کسی بھی محکمہ یا معاشرہ میں اپنی صلاحیتوں کا استمعال کرتے ہوئے جگہ بنا سکتے ہیں۔
اپنی صلاحیتوں کو جانتے ہوئے زندگی گزاریں تاکہ آپ اپنے ساتھ ساتھ عوام کی فلاح و بہبود کے لئے بھی کام کرسکیں۔
زیادہ تر لوگ زندگی میں اسی لئے ناکام ہو جاتے ہیں کہ وہ اپنی صلاحیتوں کو بروئے کار نہیں لاتے اور دوسرے لوگوں کی سوچ کو اپنے اوپر مسلط کر لیتے ہیں۔

میں تنقید کا آسانی سے مقابلہ کر سکتا ہوں۔
تنقید عموما لوگوں کو اس قدر مایوس کرتی ہے کہ وہ کامیابی کے بالکل پاس آ کر لوٹ جاتے ہیں۔
جو لوگ تنقید کا سامنا نہیں کر سکتے وہ عموما زندگی میں ناکام ہو جاتے ہیں۔اور جو لوگ تنقید کا سامنا کرتے ہیں او ر مقابلہ کرتے ہیں تو وہ ایسے نتائج لیکر آتے ہیں ۔
تنقید سے مثبت نتائج انہی لوگوں کو حاصل ہوتے ہیں جو تنقید کا خندہ پیشانی کا مقابلہ کرتے ہیں۔اگر آپ میں تنقید کا سامنا کرنے کا حوصلہ ہے تو آپ زندگی کے بہت سے معاملات دوسرے لوگوں سے بہتر سرانجام دے سکیں گے۔