ہنگل ڈیم ضلع لسبیلا ، بلوچستان میں واقع ہے۔یہ ایک چھوٹا ڈیم ہے جسے دریائے ہِنگل میں آنے والے سیلاب کے پانی کو سٹور کرنے کیلئے بنایا گیا۔اِس ڈیم کی اونچائی 52 میٹرز ہے۔ اس ڈیم کی انسٹالڈ کپیسیٹی 3.5 میگا واٹ ہے۔ اُس علاقہ کی مقامی ہندو کمیونٹی نے احتجاج کیا کہ اگر ہِنگل ڈیم تعمیر کیا جاتا ہے تو اُن کا تاریخی مندر جس کا نام ہنگلج ماتا ہے وہ مسمار کرنا پڑے گا۔ہندوؤں کے مندر کو بچانے کیلئے اس ڈیم کو مطلوبہ مقام سے 16 کلومیٹر دور بنانے پر دوبارہ پلاننگ کی گئی اور منظوری دی گئی۔اس کے علاوہ 2008 میں بلوچستان اسمبلی نے بھی ہنگل ڈیم بنانے کی مخالفت کی۔ اس ڈیم کو بنانے کیلئے پلاننگ، ریسرچ وغیرہ 1992 میں کی گئی لیکن ابھی تک یہ ڈیم سیاسی مخالفت ، مالی دشواری اور مزید کچھ معاملات کیوجہ سے مکمل نہیں ہو سکا۔