ویکسین کو ریفریجریشن میں رکھنے کا مقصد ٹھنڈا رکھنا ہوتا ہے تا کہ ویکسین کی افادیت ضائع نہ ہو۔
جب ویکسین جم جاتی ہے تو وہ قابل استمعال نہیں رہتی۔ویکسین جم جانے سے اُسکی پوٹینسی خراب ہو جاتی ہے۔

ایسے سوالات پیپرز میں اُمیدوار کو کنفیوز کرنے کیلئے دیئے جاتے ہیں۔
دھوپ اور تپش میں رکھی جانے والی ویکسین خراب ہو جاتی ہے۔
تمام ویکسین کو ٹھنڈی جگہ پر رکھنا چاہیئے۔

بچوں کے بازووں کے پٹھے بہت چھوٹے ہوتے ہیں اسلئے یہ انجیکشن بچوں کی ران میں لگایا جاتا ہے۔
اگر یہ انجیکشن بچوں کی بازوؤں میں لگایا جائے تو اس سے بچوں کی بازو میں موجود حساس پٹھہ خراب ہو سکتا ہے اور بچے کی بازو میں فالج آ سکتا ہے۔

دو ڈگری سینٹی گریڈ سے 8 ڈگری سینٹی گریڈ تک ایک نارمل ٹمپریچر ہے جو ویکسین کو عام روٹین میں استمعال کرنے کیلئے رکھا جاتا ہے۔
اگر ویکسین کو زیادہ لمبے عرصہ تک محفوظ رکھنا ہے تو مختلف ویکسین کیلئے مختلف درجہ حرارت درکار ہوتا ہے۔مثال کے طور پر اگر پولیو کی ویکسین کو تین ماہ یا اُس سے زیادہ دیر تک محٖوظ رکھنا ہو تو منفی 20 سینٹی گریڈ درجہ حرارت درکار ہوتا ہے۔

کولہے پر کوئی بھی ویکسین نہیں لگانی چاہیئے۔
تمام ویکسین مسلز میں لگائی جاتی ہیں ۔کولہے پر ویکسین لگانے سے اندیشہ ہوتا ہے کہ ویکسین مسلز کی بجائے فیٹ میں لگ سکتی ہے۔
کولہے پر ویکسین لگانے سے سائٹک نرو کو نقصان پہنچ سکتا ہے۔سائٹک نرو سب سے لمبی نرو ہے جو ریڑھ کی ہڈی کے آخر سے شروع ہوتی ہے اور گھٹنے کے پیچھے سے گزرتے ہوئے ایڑھی تک جاتی ہے۔

میزلز، بی سی جی، نیموکوکل اور پینٹا ویلنٹ محلول کو ملانے کے 6 گھنٹے تک استمعال کی جا سکتی ہیں۔اُسکے بعد یہ ویکسین ضائع کر دی جائے۔
او پی وی، آئی پی وی اور ٹیٹنس کے ویکسین باربار استمعال ہو سکتی ہے بشرطیکہ اُسکی آخری تاریخ نہ گزری ہو اور اُسے مطلوبہ درجہ حرارت (کولڈ چین) پر رکھا گیا ہو۔

شیر خوار اور چھوٹے بچوں کو اگر ران پر انجیکشن لگانا ہو تو اِس صورت میں ران کے سب سے بڑے مسل کا انتخاب کریں۔
بچوں میں ران کے سب سے بڑے مسلز کو ویسٹس لیٹریلس مسلز کہتے ہیں جو ران کی باہر والی سائیڈ پر ہوتا ہے۔

ایک بازو پر دو ویکسین لگانے کیلئے کوشش کریں جس جگہ ایک ویکسین لگا دی ہے تو دوسری ویکسین اُسی بازو پر کم از کم ایک انچ کے فاصلہ سے لگائی جائے۔
اگر فاصلہ زیادہ ہو تو کوئی حرج نہیں ہے لیکن ایک انچ سے کم نہ ہو۔

اگر ای پی آئی کی تمام ویکسین بچے کو ایک ساتھ دی جائیں تو زیادہ مؤثر ثابت ہوں گی۔
ویکسین بیک وقت دینے میں کوئی حرج نہیں لیکن ایک وقت میں صرف ایک خوراک دیں اور ہر ویکسین کیلئے سرنج کو لازمی بدلیں۔
لیکن ایک سے زیادہ خوراک والی ویکسین میں کم از کم 4 ہفتوں کا وقفہ لازمی رکھیں۔