میں منطق اور عملی صلاحیتوں سے زیادہ تخلیقی صلاحیتوں کو ترجیح دیتا ہوں۔
تخلیقی صلاحیتیں ایسی صلاحتیں ہوتی ہیں جن کی مدد سے کچھ نیا اور بہتر کیا جاتا ہے۔
اور تخلیقی صلاحیتوں کو ہمیشہ سراہا گیا ہے۔
اس سب سے ساتھ ساتھ آپ منطقی اور عملی صلاحیتوں کے بغیر بھی کامیاب نہیں ہو سکتے۔تخلیقی صلاحیتوں کو آپ عملی صلاحیتوں کے بغیر کامیاب نہیں بنا سکتے۔
مثال کے طور پر کوئی شخص ایک ریکارڈ 2 دن میں تیار کرتا ہے اور آپ اس شخص کا یہ کام کمپیوٹر کی مدد سے چند منٹ میں کر دیتے ہیں تو اسکا مطلب ہے کہ آپ میں تخلیقی صلاحیت ہے اور آنے والے وقت میں عملی صلاحیت پر تخلیقی صلاحیت کو ہو سکتا ہے زیادہ اہمیت دی جائے۔

میں ایسے لوگوں سے بہت متاثر ہوں جو عام رجحانات کو سوچنے میں بہت ٹائم لگاتے ہیں۔
اگر آپ کسی سے متاثر ہیں تو اسکا مطلب ہے کہ جو خوبیاں / خامیاں اس شخص میں ہیں وہ آپکے نزدیک بھی تقریبا ویسی ہی ہیں جیسی اُس شخص کے نزدیک ہیں۔
اور اگر کوئی شخص عام معاملات / ٹرینڈ پر اتنا زیادہ وقت لگاتا ہے تو وہ زندگی کے مقابلہ میں بہت پیچھے رہ جائے گا کیونکہ بہت سے معاملات ایسے ہیں جن پر فوری فیصلہ لینا ضروری ہوتا ہے لیکن عادت کے تحت جب وقت زیادہ لگے گا تو ناکامی کا سامنا ہو سکتا ہے۔
اور زیادہ وقت لینے میں عموما وہ لوگ زیادہ شامل ہوتے ہیں جن میں فیصلہ لینے کی قوت کم ہو۔
اگر آپ نے ایمرجنسی سروس / پولیس فورس جوائن کرنی ہے تو اپنی قوت فیصلہ کو مضبوط کریں ورنہ آپ کامیاب نہیں ہو سکیں گے۔

میں اپنے کام میں زیادہ دلچسپی رکھتا ہوں اور عام ٹرینڈ کے بارے میں بھی سوچتا ہوں جن سے میری شخصیت میں نکھار آئے۔
انسان میں آگے سے آگے بڑھنے اور بہتر سے بہترین کی خواہش ہوتی ہے اور ہونی بھی چاہیئے اور اگر اس خواہش کے ساتھ ساتھ کوشش بھی ہے تو یہ سونے پہ سہاگہ کے برابر ہے۔
جو لوگ اپنا کام دلچسپی سے کرتے ہیں اور ساتھ ساتھ خود کو بہتر کرنے کیلئے موجودہ حالات پر بھی نظر رکھتے ہیں ایسے لوگ زندگی کے ہر میدان میں آسانی سے کامیاب ہو سکتے ہیں کیونکہ وہ وہ اپنی محنت کے ساتھ ساتھ اس بات کا بھی موازنہ کر رہے ہوتے ہیں کہ وہ کونسے معاملات ہیں جن کی وجہ سے وہ دوسروں سے پیچھے ہیں۔اپنے کام کو بہتر سے بہترین اور اپنے کمی کوتاہی کو دور کرتے جاتے ہیں۔

مجھے ان نظریات اور تصورات میں زیادہ دلچسپی ہے جو میرے روز مرہ کے معاملات سے ہٹ کر ہوں۔
بعض اوقات ایسا ہوتا ہے کہ نارمل حالات و معاملات چل رہے ہوتے ہیں اور اچانک کچھ نیا ہو جاتا ہے جو آپ کے خلاف بھی جا سکتا ہے اور آپکے حق میں بھی ہو سکتا ہے۔ ایسے موقع پر عموما لوگ گبھرا جاتے ہیں۔
لیکن کچھ لوگ ایسے موقع پر اس معاملہ کو اچھے طریقہ سے سمجھتے اور حل کرتے ہیں جو کہ ایک ذہنی طور پر مضبوط انسان کی نشانی ہے۔اگر آپ کی اندر ایسی صلاحیت ہے تو اسکا مطلب ہے کہ آپ اچانک رونما ہونے والے معاملات کو بھی عام معاملات کی طرح آسانی سے سلجھا سکیں گے۔

میں کسی گروپ یا پروجیکٹ کا انچارج بنایا جاؤں تو میں اس موقع کو خوش آمدید کہوں گا۔
اگر کسی شخص کو کسی پروجیکٹ / گروپ کا انچارج بنایا جائے اور وہ اُس موقع کو مت گنوائے تو اسکا مطلب ہے کہ اس شخص میں آگے بڑھنے کی قابلیت موجود ہے۔
بعض اوقات ایسا ہوتا ہے کہ کسی کو آفر کی جائے انچارج بننے کی تو وہ کتراتا ہے کہ مجھے ذمہ داری لینا پڑے گی وغیرہ وغیرہ، اسکا مطلب یہ ہوتا ہے کہ ایسا شخص قابلیت نہیں رکھتا کہ وہ کسی گروپ / پروجیکٹ کا لیڈ کر سکے یا سنمبھال سکے اور یقینا ایسے لوگ فیصلہ لینے میں بھی کمزور ہوتے ہی۔