سکندر سلطان راجہ 27 جنوری 2020 کو چیف الیکشن کمشنر بنے۔
سکندرسلطان راجہ سی ایس پی آفیسر ہیں۔ان کا تعلق پاکستان ایڈمنسٹریٹو سروسز سے رہا ہے۔

جنرل عاصم منیر پاکستان آرمی کے گیارہویں آرمی چیف ہیں۔

یحیی آفریدی پاکستان کے 30 ویں چیف جسٹس ہیں۔آپ مورخہ 26 اکتوبر2024 سے بطور چیف جسٹس آف پاکستان خدمات سر انجام دے رہے ہیں۔چیف جسٹس آف پاکستان 65 سال کی عمر تک خدمات سر انجام دے سکتا ہے۔

شبلی فراز مورخہ 22 اپریل 2024 سے سینٹ اپوزیشن لیڈر کے طور پر خدمات سر انجام دے رہے ہیں۔آپ کا تعلق پاکستان تحریک انصاف (پی ٹی آئی) سے ہے۔

سحاق ڈار مورخہ 9 اپریل 2024 سے بطور لیڈرآف ہاؤس سینٹ خدمات سر انجام دے رہے ہیں۔آپ کا تعلق پاکستان مسلم لیگ (ن) سے ہے۔

سیدال خان ناصر مورخہ 9 اپریل 2024 سے ڈپٹی چیئرمین سینٹ خدمات سر انجام دے رہے ہیں۔آپ سینٹ کے 14 ویں ڈپٹی چیئرمین ہیں۔آپ کا تعلق پاکستان مسلم لیگ (ن) سے ہے۔

یوسف رضا گیلانی سینٹ کے 9ویں چیئرمین ہیں۔آپ 9 اپریل 2024 سے بطور چیئرمین سینٹ خدمات سر انجام دے رہے ہیں۔آپ کا تعلق پاکستان پیپلز پارٹی (پی پی پی) سے ہے۔چیئرمین سینٹ کی مدت کا دورانیہ 3 سال ہوتا ہے۔چیئر مین آف سینٹ پاکستان کو آئین پاکستان آرٹیکل 60 کے تحت منتخب کیا جاتا ہے۔

عمر ایوب خان مورخہ 2 اپریل 2024 سے اپوزیشن لیڈر کے طورپر خدمات سر انجام دے رہے ہیں۔آپ پاکستان قومی اسمبلی کے 12 ویں اپوزیشن لیڈر ہیں۔آپ کا تعلق پاکستان تحریک انصاف (پی ٹی آئی ) سے ہے۔

سید غلام مصطفی شاہ یکم مارچ 2024 سے بطور ڈپٹی سپیکر قومی اسمبلی خدمات سر انجام دے رہے ہیں۔ آپ پاکستان قومی اسمبلی کے 21ویں ڈپٹی سپیکر ہیں۔آپ کا تعلق پاکستان پیپلز پارٹی سے ہے۔

سردار ایاز صادق پاکستان قومی اسمبلی کے اسپیکر کے طور پر یکم مارچ 2024 سے خدمات سرانجام دے رہے ہیں۔آپ پاکستان قومی اسمبلی کے 22 ویں اسپیکر ہیں۔ اس سے قبل آپ پاکستان قومی اسمبلی کے 17 ویں اسپیکر کے طور پر بھی خدمات سر انجام دے چکے ہیں۔ آپ کا تعلق سیاسی پارٹی پاکستان مسلم لیگ (ن) سے ہے۔