الیکشن کمیشن کا چیئرمین چیف الیکشن کمشنر ہوتا ہے۔چیف الیکشن کمشنر کو صدر پاکستان تعینات کرتا ہے۔چیف الیکشن کمشنر چیف جسٹس آف پاکستان کے سامنے حلف اٹھائے گا۔چیف الیکشن کمشنر کی سیٹ اگر خالی ہے تو آئین پاکستان کے مطابق 45 دن کے اندر تعیناتی ضروری ہے۔چیف الیکشن کمشنر کیلئے عمر کی زیادہ سے زیادہ حد 68 سال ہے۔چیف الیکشن کمشنر قومی اسمبلی، صوبائی اسمبلی اور لوکل جنرل الیکشن کروانے کا ذمہ دار ہے۔

حاجی شریعت اللہ نے فرائضی تحریک کی بنیاد 1818 میں رکھی لیکن تحریک کا آغازبنگال / موجودہ بنگلہ دیش سے 1819 میں کیا۔اس تحریک کا مقصد ریاست / متعلقہ علاقہ سے غیر اسلامی رسم و رواج کا خاتمہ کرنا تھا اور ایک مسلمان ہونے کی حیثیت سے اسلامی اصولوں پر کاربند ہونا تھا۔حاجی شریعت اللہ کی وفات کے بعد اِن کے بیٹے دُودو میاں نے فرائضی تحریک کی قیادت کی۔

ریڈ کلف ایوارڈمیں ہندوستان کو دو ریاستوں میں تقسیم کرنے کے بارے میں لارڈ ماؤنٹ بیٹن کی جانب نشاندہی کی گئی تھی۔ یہ پلان بنیادی طور پر لارڈ ماؤنٹ بیٹن 3 جون 1947 کو پیش کر چکا تھا۔یہ رپورٹ جسے ریڈ کلف ایوارڈ کہا جاتا ہے 17 اگست 1947 کو شائع ہوئی لیکن شائع ہونے سے پہلے 16 اگست 1947 کی شام کو یہ رپورٹ پاکستان اور ہندوستان کے نمائندگان کو 2 گھنٹہ کیلئے جائزہ لینے کیلئے دی گئی۔

تحریک عدم اعتما د ایک آئینی تحریک ہے۔اس تحریک کی مدد سے مجلس شوری کی اکثریت وزیر اعظم کے عہدہ سے ہٹا سکتی ہے۔تحریک عدم اعتماد پاکستان کے آئین 1973 کے آرٹیکل 95 کے تحت پیش کی جاتی ہے۔قومی اسمبلی میں کُل نشستوں کی تعداد 342 ہے۔تحریک عدم اعتماد کو کامیاب بنانے کیلئے کم از کم 172 ووٹ درکار ہوتے ہیں۔سابقہ وزیر اعظم عمران خان کے خلاف تحریک عدم اعتماد 8 مارچ 2022 کو قومی اسمبلی میں جمع کروائی گئی۔تحریک عدم اعتماد کیلئے ووٹنگ 10 اپریل 2022 کو ہوئی اور تحریک عدم اعتماد کے حق میں 341 میں سے 174 ووٹ ڈالے گئے۔اور اسطرح سابقہ وزیر اعظم عمران خان کو وزارتِ عظمی کا عہدہ چھوڑنا پڑا۔

کُل تین گول میز کانفرنسز منعقد ہوئیں۔جن میں پہلی گول میز کانفرنس 12 نومبر 1930 کو منعقد ہوئی۔ دوسری گول میز کانفرنس 7 ستمبر 1931 کو منعقد ہوئی اور تیسری گول میز کانفرنس 17 نومبر 1932 کو منعقد ہوئی۔

جنرل الیکشن 1937انڈیا کے 11 صوبوں میں منعقد کیا گیا۔یہ الیکشن فروری 1937 میں شروع ہوا اور مارچ 1937 میں ختم ہوا۔اس جنرل الیکشن میں تین سیاسی پارٹیوں نے حصہ لیا جس میں آل انڈیا مسلم لیگ، یونینسٹ پارٹی اور انڈین نیشنل کانگریس شامل ہے۔اس الیکشن میں آل انڈیا مسلم لیگ کو 109 نشستوں پر کامیابی ملی، یونینسٹ پارٹی کو 101 نشستوں پر کامیابی ملی اور انڈین نیشنل کانگریس کو707 نشستوں پر کامیابی حاصل ہوئی۔

کراچی نیوکلیئر پاور پلانٹ پاکستان کا پہلا نیوکلیئر پاور پلانٹ ہے۔اس پاور پلانٹ کو کینڈا کے تعاون سے قائم کیا گیا۔اس پاور پلانٹ کو تعمیر کرنے میں کینڈا کی کمپنی نے نمایاں خدمات سرانجام دیں۔اس پاور پلانٹ کا افتتاح سابقہ کہتے صدر ذوالفقار علی بھٹو نے 28 نومبر 1972 کو کیا۔اس پاور پلانٹ کو کراچی نیوکلیئر پاور کمپلیکس کہتے ہیں۔