پاکستان میں پہلا وومن ڈویلپمنٹ بینک یکم دسمبر 1989 میں کراچی میں قائم کیا گیا۔اس بینک کا افتتاح اُس وقت کی وزیر اعظم محترمہ بے نظیر بھٹو نے کیا۔

بائی کیمرل ایک ایسا پارلیمنٹ کا نظام ہے جس میں قانون سازی کیلئے دو ایوان ہوتے ہیں۔پہلے ایک ایوان میں قانون بنا کر اُسے مزید جانچ پڑتال اور منظوری کیلئے دوسرے ایوان میں بھیجا جاتا ہے۔مختصر یہ کہ ایسی پارلیمنٹ جس میں قانون سازی کیلئے ایک ایوان ہو اُسے یونی کیمرل کہا جاتا ہے اور ایسی پالیمنٹ جس میں قانون سازی کیلئے دو ایون ہوں اُسے بائی کیمرل کہا جاتا ہے۔پاکستان کی پارلیمنت میں دو ایوان ہیں جنہیں قومی اسمبلی ( ایوان زیریں / لوئر ہاؤس) اور سینٹ (ایوان بالا / اپر ہاؤس) کہا جاتا ہے۔

پاکستان کے آئین 1973 کے آرٹیکل 41 کے مطابق اگر صدر پاکستان ملک سے باہر ہے، وفات پا گیا ہے ، بیماری یا کسی اور وجہ سے صدر پاکستان کے فرائض سرانجام نہیں دے پا رہا تو چیئر مین سینٹ صدر پاکستان کے فرائض سرانجام دے گا۔اگر چیئر مین سینٹ بھی موجود نہیں ہے تو پھر اسپیکر قومی اسمبلی صدر پاکستان کے فرائض سرانجام دے گا۔