بعض اوقات لوگ مجھے شرمیلا کہتے ہیں۔
پر اعتماد لوگوں کو ہر محکمہ ، ہر معاشرہ اور ہر جگہ پسند کیا جاتا ہے۔
پولیس ڈیپارٹمنٹ ، ریسکیو 1122 اور آرمی وغیرہ میں تو شرمانے اور جھجکنے کی گنجائش ہی نہیں ہے ۔ آپکا شرمیلا پن کسی کی جان لے سکتا ہے۔آپ نے سینکڑوں لوگوں کو بچانا ہے اور حفاظت کرنی ہے، یا اگر آپ محکمہ تعلیم یا کسی اور ڈیپارٹمنٹ میں ہیں تو آپ نے لوگوں کی رہنمائی کرنی ہے اگر آپ شرما گئے تو آپ بہت سے لوگوں کی زندگی اور مستقبل داؤ پر لگا دیں گے۔

میں ان گروپوں میں آرام محسوس کرتا ہوں چاہے ان میں مجھے کوئی جانتا ہو یا نہ جانتا ہو۔
کسی بھی پیپر میں بہت سے ایسے فقرات ہوں گے جنھیں گھما پھرا کر آپ سے بار بار پوچھا جائے گا۔
اگر آپ نے کسی ایک جگہ پر جواب رضامندی میں دیا ہے تو کوشش کریں کہ اس سوال سے ملتے جلتے سوالات کا جواب بھی رضامندی میں دیں۔
آگر کسی جگہ پر آپ کے جاننے والے لو گ موجود ہیں تو اسکا مطلب تو سمجھ آتا ہے کہ آپ آرام محسوس کریں گے کیونکہ کہ یہ ایک فطرتی عمل بن جاتا ہے۔
اگر آپ کے جاننے والے لوگ نہیں ہیں تو ظاہر سی بات ہے چاہئے کوئی بھی ہو کچھ نہ کچھ پریشانی تو ضرور ہو گی۔
ایسا ممکن نہیں ہے کہ آپ ہر جگہ ایک جیسا آرا م دہ محسوس کریں ۔یہ ضرور ہو سکتا ہے کہ آپ اتنا زیادہ قابل اعتماد ہیں کہ آپ بہت جلد لوگوں کو قائل کرلیں لیکن ہر معاملہ میں تھوڑا وقت درکار ضرور ہوتا ہے۔

مجھے توجہ کا مرکز بننا پسند ہے۔
یہ ایک فطرتی عمل ہے ، ہر انسان چاہتا ہے کہ وہ لوگوں کی توجہ کا مرکز ہو اور لوگ صرف اسی کے بارے میں اچھی اچھی باتیں کریں۔
یہاں پر دو پہلو ہیں ایک تو یہ کہ مجھے توجہ کا مرکز بننا پسند ہے اور اگر توجہ کا مرکز نہیں بھی بنا تو کوئی مسئلہ نہیں میں ایک نارمل انسان کیطرح برتاؤ کر سکتا ہوں۔
دوسرا پہلو یہ کہ میرے لئے توجہ کا مرکز بننا اتنا زیادہ اہم ہے کہ اگر میں توجہ کا مرکز نہ بن پاؤں تو میرے لئے ہر کام مشکل ہے اور میں اپنا برتاؤ نارمل لوگوں جیسا نہیں رکھ سکتا۔جو کہ ایک نارمل انسان کی عادت یا خصوصیت نہیں ہو سکتی۔

میں جن لوگوں کو جانتا ہوں ان میں زیادہ آرام دہ محسوس کرتا ہوں۔
یہ ایک فطرتی عمل ہے، انسان جہاں بھی ہو اگر وہاں اس کے جاننے والے ہیں تو وہ زیادہ آرام دہ محسوس کرے گا۔ لیکن یہ ہرگز نہیں ہونا چاہیئے کہ آپ صرف وہاں آرام محسوس کریں جہاں آپ کے جاننے والے ہوں۔
بہت سے محکمہ جات ریسکیو 1122، پولیس ڈیپارٹمنٹ یا دوسری بیلٹ فورسز ہیں جہاں آپکا سامنا آئے روز نئے لوگوں سے ہو گا ، اور آپکو انکے ساتھ ایڈجسٹ ہونا ا ہو گا۔
اس لئے اپنے آپکو ہر ماحول اور ہر قسم کے لوگوں کا سامنا کرنے کیلئے تیار رکھیں تاکہ آپ ایک نارمل انسان کیطرح زندگی گزار سکیں اور کامیابی سے ہمکنار ہوں۔

انسان کو چاہیئے کہ وہ اپنے آپکو ایسا ڈھالے کہ جس ماحول میں رہے وہ اس میں خود کو ایڈجسٹ کر لے اور خود کو بور مت ہونے دے۔
بہت سے طریقے ہیں جن سے آپ اپنی بوریت کو دور کر سکتے ہیں لیکن کوشش کریں کہ صرف مثبت عادات و اطوار کو اپنائیں۔
کوئی بھی انسان کبھی بھی بور ہو جاسکتا ہے لیکن یہ ایک اچھی پریکٹس نہیں ہے کہ آپ آسانی سے بور ہو جائیں اور ہر وقت بوریت ہی محسوس کرتے رہیں۔
اسکا مطلب ہے کہ آپ ایک نارمل انسان نہیں ہیں۔نارمل انسان کبھی بھی آسانی سے بور نہیں ہوتے وہ کوشش کرتے ہیں کہ ماحول میں ڈھل جائیں یا ماحول کو اپنی طبیعت کے مطابق ڈھال لیں۔
اس لئے اگر آپ میں کو ئی ایسی جلد بور ہونے والی عادت یا سوچ ہے تو اس خوف اور عادت کو ختم کریں۔

میں ایک وقت میں ایک کام پر توجہ دینا پسند کرتا ہوں۔
انسان جب بھی کسی کام کو شروع کرے تو اسے چاہیئے کہ اسے پایہ تکمیل تک پہنچائے۔
اگر آپ میں یہ خصوصیت ہے کہ آپ ایک وقت میں ایک کام کو سرانجا م دینا پسند کرتے ہیں تو یہ ایک اچھی عادت ہے ،اس طرح آپ ایک کام کو احسن طریقہ سے مکمل کرنے کے بعد دوسرے کام کی جانب بڑھیں گے۔
لیکن آپ اس بات کو ہرگز ذہن پر سوار مت کریں کہ آپ ایک وقت میں صرف ایک کام پر فوکس کر سکتے ہیں بہت سے محکمہ جات یا حالات ایسے ہوتے ہیں جہاں آپکو ایک وقت میں ایک سے زیادہ کاموں پر دھیان دینا پڑتا ہے۔
اس لئے اپنے آپکو ہر قسم کے حالات کیلئے ذہنی طور پر تیار رکھیں۔
پولیس ڈیپارٹمنٹ، آرمی، ریسکیو 1122 اور بہت سے دوسرے ڈیپارٹمنٹ میں آپکو ایک وقت میں ایک سے زیادہ کاموں پر دھیان دینا پڑتا ہے۔

لوگ سمجھتے ہیں کہ مجھ میں بہت توانائی ہے۔
ایک توانائی ہوتی ہے اور ایک طاقت ہوتی ہے۔
لازمی نہیں کی جو شخص اکھاڑے میں ہے وہ ہی طاقتور ہے ۔ اگر کوئی شخص دل جمعی سے کام کرتا ہے اور کوشش کرتا ہے آئے روز کچھ نہ کچھ نیا تخلیق کرے تو اُسے بھی انرجیٹک کہا جا سکتا ہے۔
اگر لوگ آپ کے بارے میں ایسی رائے رکھتے ہیں تو اسکا مطلب ہے کہ دماغی / جسمانی یا دو نوں لحاظ سے ایک توانا انسان ہیں جو اس بات کی علامت ہے کہ آپ کسی بھی محکمہ میں شامل ہونے کی خصوصیت رکھتے ہیں۔

میں ایسے دوست رکھنا پسند کرتا ہوں جن کے ساتھ میں اپنے جذبات شیئر کر سکوں۔
انسان کی فطرت ہے کہ وہ ایسے لوگ ڈھونڈتا ہو جو اسکے مزاج کے مطابق ہوں۔جن کے ساتھ وہ گپ شب کر سکے ، جن کے ساتھ اپنی ذاتی زندگی کے معاملات شیئر کر سکے اور جن سے اہم ترین معاملات پر مشورہ لے سکے۔
اگر آپ میں ایسی خواہش ہے تو یہ کو عجوبہ نہیں ہے۔ ہر انسان میں ایسی خواہشات موجود ہوتی ہیں لیکن یہ خواہشات ایک حد تک ہونی چاہیئے ۔ ایسا نہیں ہے کہ اگر آپ کے آپکی سوچ کے مطابق نہیں مل رہا تو آپ مایوس ہو جائیں گے۔
معاشرے میں بہت سے ایسے لوگ موجود ہیں جنہیں ان کی سوچ کے مطابق دوست نہیں ملتے اس کے باوجود وہ ایک کامیاب انسان ہیں اور بہت سے ایسے لوگ بھی موجود ہیں جنہیں ان کی سوچ کی مطابق دوست نہیں ملے تو وہ بری طرح ناکام ہوئے جو کہ ایک نارمل انسان کی عادات نہیں ہو سکتیں۔

لوگ اپنے جذبات میرے ساتھ شیئر / بانٹتے ہیں۔
کوئی بھی انسان صرف اسی کے ساتھ اپنے جذبات و احساسات شیئر کرتا ہے جو قابل اعتماد ہو یا جس پر یقین ہے کہ یہ شخص جذبات کو سمجھتے ہوئے اچھا مشورہ دے گا۔
ظاہر سی بات ہے کسی سے مشورہ لینے کیلئے ہی اپنے جذبات / پلاننگ کسی سے شیئر کی جاتی ہے۔اور جس کے ساتھ شیئر کی جائے وہ کوئی معتبر ہی ہو سکتا ہے۔ یا اسے معتبر سمجھا جا رہا ہے۔
اگر لوگ آپ کے ساتھ اپنے جذبات شیئر کرتے ہیں تو اسکا مطلب ہے کہ لوگ آپکو معاشرے میں معتبر سمجھتے ہیں۔

لوگ مجھے اچھا سامع /سننے والا کہیں گے۔
کسی کی بات سننا اخلاقی فرض ہے۔
اگر کوئی بات کرے تو سننے والے کو چاہیئے کہ اچھے انداز میں اسکی بات سنے۔
جب وہ بات مکمل کر لے تو پھر اپنی بات شروع کرے۔
کچھ لوگ یہ کرتے ہیں کہ ایک شخص بات کر رہا ہے تو دوسرا درمیان سے ہی بات کاٹ کر اپنی بات شروع کر دیتا ہے۔جو کہ ایک غیر اخلاقی عمل ہے۔
کسی کی بات توجہ سے سننا اس بات کو ظاہر کرتا ہے کہ آپ ایک تحمل مزاج انسان ہیں۔