مجھے ان نظریات اور تصورات میں زیادہ دلچسپی ہے جو میرے روز مرہ کے معاملات سے ہٹ کر ہوں۔
بعض اوقات ایسا ہوتا ہے کہ نارمل حالات و معاملات چل رہے ہوتے ہیں اور اچانک کچھ نیا ہو جاتا ہے جو آپ کے خلاف بھی جا سکتا ہے اور آپکے حق میں بھی ہو سکتا ہے۔ ایسے موقع پر عموما لوگ گبھرا جاتے ہیں۔
لیکن کچھ لوگ ایسے موقع پر اس معاملہ کو اچھے طریقہ سے سمجھتے اور حل کرتے ہیں جو کہ ایک ذہنی طور پر مضبوط انسان کی نشانی ہے۔اگر آپ کی اندر ایسی صلاحیت ہے تو اسکا مطلب ہے کہ آپ اچانک رونما ہونے والے معاملات کو بھی عام معاملات کی طرح آسانی سے سلجھا سکیں گے۔

میں کسی گروپ یا پروجیکٹ کا انچارج بنایا جاؤں تو میں اس موقع کو خوش آمدید کہوں گا۔
اگر کسی شخص کو کسی پروجیکٹ / گروپ کا انچارج بنایا جائے اور وہ اُس موقع کو مت گنوائے تو اسکا مطلب ہے کہ اس شخص میں آگے بڑھنے کی قابلیت موجود ہے۔
بعض اوقات ایسا ہوتا ہے کہ کسی کو آفر کی جائے انچارج بننے کی تو وہ کتراتا ہے کہ مجھے ذمہ داری لینا پڑے گی وغیرہ وغیرہ، اسکا مطلب یہ ہوتا ہے کہ ایسا شخص قابلیت نہیں رکھتا کہ وہ کسی گروپ / پروجیکٹ کا لیڈ کر سکے یا سنمبھال سکے اور یقینا ایسے لوگ فیصلہ لینے میں بھی کمزور ہوتے ہی۔

ماضی میں ، میں نے اپنے رائے کا سختی سے اظہار کیا ہے ۔ تاکہ ٹیم یا گروپ اجلاس میں میریبات سنی جائے۔
رائے دینے کا حق سب کو ہے۔ لیکن رائے دینے کا بھی ایک طریقہ کار ہے ۔یہ درست نہ ہے کہ آپ اپنے اپکو قابل ظاہر کرنے کیلئے دوسرے لوگوں / ٹیم ممبرز کے ساتھ سختی برتیں۔
ایک نارمل انسان اپنی رائے کو معتبر ثابت کرنے کیلئے اور یہ ثابت کرنے کیلئے کہ مستقبل میں بھی اسکی بات کو غور سے سنا جائے تو وہ ٹھوس دلائل کا استمعال کرے گا نہ کہ لوگوں کے ساتھ زبردستی کرتے ہوئے اپنی رائے اُن پر مسلط کرے گا۔

میں دوسروں کو اپنے نقطہ نظر سے دیکھنے کیلئے اچھا قرار دیا گیا ہوں۔
اگر آپ کے بارے میں لوگ یہ رائے رکھتے ہیں کہ آپ دوسروں کے بارے میں اچھی سوچ رکھتے ہیں تو اسکا مطلب ہے کہ آپ لوگوں کی فلاح چاہتے ہیں۔اور سب سے بڑھ کر یہ کہ آپکی سوچ مثبت ہے۔یہ بھی ہوسکتا ہے کہ کوئی شخص دوسروں میں سے صرف منفی پہلو ڈھونڈتا ہے جو کہ ایک غلط بات ہے اور یہ بھی ممکن ہے کہ کوئی شخص صرف اچھائیاں تلاش کرتا ہے تو یہ یقینا ایک مثبت سوچ کا ثبوت ہے۔
جن لوگو ں کی سوچ دوسروں کیلئے مثبت ہو وہ دوسرے لوگ بھی بخوبی جانتے ہوں تو ایسے لوگ دوسروں کو اپنی بات پر جلد قائل کرسکتے ہیں۔

میں سمجھتا ہوں کہ میں ایک ایسا شخص ہوں جس کے پاس ہر موضوع کیلئے نقطہ نظر ضرور ہوتا ہے۔
ایک قابل انسان زندگی کے ہر معاملہ کا باریک بینی سے مشاہدہ کرتا ہے اور حقیقت پر مبنی فیصلہ جات لیتا ہے۔اور اگر کسی میں ایسی خصوصیت ہے کہ اس کے پاس ہر موضوع پر نقطہ نظر ہوتا ہے تو اسکا مطلب ہے کہ اُس شخص کا مطالعہ اور تجربہ دوسروں سے زیادہ ہے۔
اور یہ بھی ضروری نہیں کہ کسی کے پا س 100 فیصد ہر معاملہ سے متعلق رائے موجود ہو۔
ایسے لوگ عموما محکمہ جات / کاروبار کیلئے فائدہ مند ثابت ہوتے ہیں۔

مجھے لگتا ہے لوگ آسانی سے میری رائے قبول کرتے ہیں۔
اگر لوگ آپکی رائے آسانی سے قبول کر لیتے ہیں تو اسکا مطلب ہے کہ آپ کے دلائل میں وزن ہوتا ہے۔ اور آپ لوگوں کو آسانی سے اپنی بات پر قائل کر لیتے ہیں۔
جن لوگوں کی رائے کو لوگ آسانی سے قبول کر لیں ایسے لوگوں میں لیڈر بننے کی خصوصیات عام انسان کے مقابلہ میں زیادہ ہوتی ہے۔
ایسے لوگ جو آسانی سے دوسروں کو قائل کر لیں وہ کسی بھی کاروبار، محکمہ میں بہترین کارکردگی کا مظاہرہ کر سکتے ہیں۔

اگر مجھے میرا مینجر غلط لگے تو میں اس کے خلاف بات کروں گا۔
ہر انسان کی پسند اور ناپسند الگ الگ ہوتی ہے۔ یہ ضروری نہیں کہ جیسا آپ سوچ رہے ہوں ویسا ہی ہے۔ہو سکتا ہے کہ آپ کسی کے بارے میں غلط رائے / سوچ رکھتے ہیں اور وہ ویسا نہ ہے۔ ضروری نہیں کہ آپ کی سوچ کے مطابق ہی ہر انسان ہو۔
اور کبھی بھی صرف اس بات کو بنیاد بنا کر فیصلہ مت کریں کہ یہ میری سوچ کے مطابق اس طرح ہو گا ، وغیرہ وغیرہ
اور مینجر لیول پر بہت سے ایسے فیصلے لینے پڑتے ہیں جو بہت سے لوگوں کو ناگوار گزرتے ہیں لیکن اگر وہ تمام لوگ خود کو مینجر کی جگہ رکھ کر سوچیں تو وہ تمام فیصلے انہیں بہترین لگیں گے۔ایک مینجر کسی ایک انسان / ورکر کو سامنے رکھ کر نہٰں سوچتا بلکہ وہ پورے ڈیپارٹمنٹ / فرم / آرگنائزیشن کو سامنے رکھ کر فیصلہ لیتا ہے۔