ایک سال میں مہینوں کی تعداد بارہ ہوتی ہے۔اس کا ذکر قرآن مجید کی سورہ التوبہ آیت نمبر 36 میں موجود ہے۔
اسلامی مہینوں کے نام اور اُنکی ترتیب یاد رکھیں۔
محرم، صفر، ربیع الاول، ربیع الثانی، جمادی الاول، جمادی الثانی، رجب، شعبان، رمضان، شوال، ذولقعدہ، ذوالحجہ۔

حج 9 ہجری میں فرض ہوا ۔
پہلا حج ابو بکر صدیق رضی اللہ تعالی عنہ کی سربراہی میں 9 ہجری میں ادا کیا گیا۔
آخری نبی محمد ﷺ نے حج 10 ہجری میں ادا کیا۔

مقامِ ابراہیم وہ پتھر ہے جو بیت اللہ کی تعمیر کے وقت ابراہیم علیہ السلام نے اپنے قد سے اونچی دیوار قائم کرنے کیلئے استمعال کیا تھا تاکہ وہ اِس پر کھڑے ہو کر دیوار تعمیر کر سکیں۔
مقام ابراہیم خانہ کعبہ سے تقریبا سوا تیرہ میٹرز مشرق میں واقع ہے۔
مقامِ ابراہیم کا ذکر قرآنِ مجید میں سورہ البقرہ آیت نمبر 25 میں موجود ہے۔

خانہ کعبہ کو بیت اللہ، بیت العقیق اور بیت الحرام بھی کہا جاتا ہے۔
خانہ کعبہ مسجد الحرام کے وسط میں واقع ایک عمارت ہے ۔
اسی مقدس عمارت کی طرف منہ کر کے صلوۃ پڑھی جاتی ہے۔
خانہ کعبہ ایک حرمت والی جگہ ہے جہاں حرام کام کرنا بہت بڑا گناہ ہے۔

طوافِ قدوم سنت ہے۔
یہ طواف صرف وہی لوگ ادا کرتے ہیں جو صرف حج کرتے ہیں۔

میزابِ رحمت کعبہ کی چھت پر شمالی جانب نصب ایک پرنالہ ہے۔
خانہ کعبہ میں میزابِ رحمت سب سے پہلے قریش نے لگایا تھا۔
موجودہ میزابِ رحمت خالص سونے کا ہے۔
خانہ کعبہ کی چھت کا پانی میزابِ رحمت کے ذریعے حطیم میں گِرتا ہے۔

پہلا دائرہ مسجد حرام
دوسرا دائرہ مکہ مکرمہ
تیسرا دائرہ حرم
چوتھا دائرہ مواقیت

حج ارکان اسلام میں سے اہم ترین اور پانچواں رُکن ہے۔
حج کے لغوی معنی ہیں کسی عظیم الشان چیز کی طرف قصد کرنا۔
شرعی اصطلاح میں حج اُن افعال کا نام ہے جو حج کی نیت سے احرام باندھنے کے بعد ادا کئے جاتے ہیں۔