خوف کی مختلف اقسام ہیں۔
اندھیرے سے ڈرنا نیکٹو فوبیا کہلاتا ہے۔
پانی کا ڈر ایکوا فوبیا کہلاتا ہے۔
بلندی کا ڈر ایکرو فوبیا کہلاتا ہے۔
آگ کا ڈر پائرو فوبیا کہلاتا ہے۔
ایسے فقرات جس میں ڈر کا لگنا ظاہر ہو رہا ہوتو نفی میں جواب دیں کہ آپکو بالکل بھی ڈر نہیں لگتا ۔
کیونکہ آپکو بہت سی ایسی جگہوں پر کام کرنا پڑ سکتا ہے جہاں اندھیرا ہو، جہاں پانی ہو، جہاں بلندی زیاہ ہو، آگ لگی ہوئی ہو۔
اپنے آپکو ایک نارمل اور بہادر انسان ظاہر کریں۔اگر آپ میں ایسا کوئی ڈر ہے تو ہو سکتا ہے کہ آپکو پیپر میں فیل کر دیا جائے۔

بے خوابی کا شکار رہنا یہ ظاہر کرتا ہے کہ آپکو نفسیاتی طور پر کوئی نہ کوئی مسئلہ لاحق ہے۔
اسلئے اگر آپ میں واقعی کو ئی ایسا مسئلہ ہے تو فوری کسی ماہر نفسیات سے رابطہ کریں۔
اور پیپر کو پاس کرنے کیلئے اپنے مسائل کو پیپر میں ظاہر مت کریں ۔ اگر ایگزامنر اس بات کو محسوس کر لیتا ہے کہ آپکو بے خوابی کا مسئلہ ہے تو زیادہ چانسز ہیں کہ آپکو ملازمت کیلئے نااہل کر دیا جائے۔
اس لئے اس قسم کے سوالات کا جواب نفی میں دیں اور اپنے آپکو ایک نامل انسان ظاہر کریں۔

جی ہاں !
بالکل کہنا بھی چاہیئے۔ انسان کے اندر اعتماد ہونا بہت ضروری ہے۔ اور جو بات آپ کریں وہ اعتماد کے ساتھ کریں اور اگر آپکو اسکے درست ہونے کا یقین ہے تو اس پر ڈٹ جائیں۔
ایسا نہ ہو کہ آپ ایک بات کریں اور وہ ٹھیک بھی ہو لیکن آپ میں اتنا اعتماد نہ ہو کہ اسے پورے وثوق کے ساتھ بیان کر سکیں یا اسکی گارنٹی دے سکیں۔
اپنے آپ پر اعتماد ہونا ایک ایسی خوبی ہے جس کی بناء پر آپ پوری دنیا کو فتح کر سکتے ہیں لیکن اس کے ساتھ ساتھ اس خوش فہمی میں کبھی بھی مت رہیے گا کہ صرف ایک آپ ہی ہیں جو پُر اعتماد ہیں۔

ہر محکمہ چاہتا ہے کہ وہ جتنے بھی امیدواروں کو ملازمت دے وہ جسمانی اور ذہنی طور پر تندرست ہونے چاہیئں۔اگر آپکے پٹھوں یا جسم میں درد، تکلیف رہتی ہے تو اسکا مطلب ہے کہ آپ جسمانی طور پر آپ ایک مضبوط انسان نہیں ہیں ۔
کسی بھی ملازمت کیلئے ضروری ہے کہ آپ جسمانی اور ذہنی دونوں طرح سے بالکل صحت مند ہوں۔
اس لئے روزانہ ورزش کو اپنا معمول بنائیں تاکہ آپ ہر لحاظ سے ایک صحت مند انسان نظر آئیں۔
اور اس قسم کے فقرات سے غیر متفق رہیں جن میں آپکی قسم بھی قسم کی کمزوری ظاہر کی جارہی ہو۔

وقت کی پابندی کرنا ایک بہت اہم نقطہ ہے۔ اگر آپ وقت کی پابندی نہیں کرتے تو آپ کو کسی بھی محکمہ ہی نہیں بلکہ گھریلو، معاشرتی اور عملی زندگی میں بھی بہت سی پریشانیوں کا سامنا کرنا پڑ سکتا ہے۔
اگر آپ ملازمت کیلئے کوشش کر رہے ہیں اور آجر، محکمہ یا کمپنی کو اندازہ ہو جاتا ہے کہ آپ ہر کام دیر سے کرتے ہیں تو آپکو فوری طور پر نا اہل کر دیا جا سکتا ہے کیونکہ وقت کی پابندی نہ کرنے سے آپ محکمہ کی ساکھ کو نقصان پہنچا سکتے ہیں۔
اگر آپ پولیس فور س میں جانا چاہتے ہیں تو وہاں پر تو مجرم کو پکڑنے کیلئے فوری پہنچنا ہوتا ہے اگر آپ نے دیر کر دی تو عوام کے نقصان کے ساتھ ساتھ محکمہ کی ساکھ بھی متاثر ہو گی۔
اور اگر ریسکیو 1122 میں ملازمت کیلئے کوشش کر رہے ہیں تو وہاں پر تو ریسکیو 1122 میں تو جائے حادثہ پر پہنچنے کا وقت ہی 7 منٹ ہوتا ہے اور اگر آپ دیر کرتے ہیں تو کسی کی جان بھی جا سکتی ہے۔

ایسے سوالات کا جواب نفی میں دیں کیونکہ ایسے سولات آپکی شخصیت کے خلاف جا سکتے ہیں۔ جو لوگ بے چین رہتے ہیں انہیں گھریلو طور پر یا کسی بھی اور سائیڈ سے کوئی پریشانی ہو سکتی ہے۔
بعض لوگوں پریشانی نہ بھی ہو تب بھی پریشان اور بے چین ہی رہتے ہیں۔
دونوں صورتیں ٹھیک نہیں ہیں۔ اگر آپ میں ایسے مسائل ہیں تو اپنے آپکو نارمل کریں۔
اگر انٹرویو لینے والوں نے آپکی بے چینی وغیرہ نوٹ کر لی تو ملازمت حاصل کرنا آپکے لئے مشکل ہو جائے گا۔
اس لئے اپنے آپکو ایک پرسکون انسان بنائیں اور ظاہر کریں۔
تا کہ ملازمت کے ساتھ ساتھ عام زندگی میں بھی آپ بہت سی پریشانیوں سے بچ سکیں۔

اکثر لوگ محنت طلب کام سے بھاگتے ہیں۔جو کہ ایک اچھی عادت نہیں ہے۔
جو لوگ محنت طلب کام کو کرنے میں خوشی محسوس کرتےہیں ایسے لوگ عام لوگوں کی نسبت جلدی کامیاب ہوتے ہیں۔
اگر آپ کے اندر ایسی خوبی / صلاحیت ہے تو آپ کو کسی بھی محکمہ میں دوسرے لوگوں کی نسبت اہمیت زیادہ دی جائے گی۔
پرائیویٹ آرگنائزیشن میں ایسے محنتی لوگوں کو آرگنائزیشن کا سرمایہ تصور کیا جاتا ہے۔
اگر آپ محنت طلب یا زیادہ توجہ والا کام کرنا پسند کرتے ہیں تو یہ ایک بہت اچھی عادت ہے جو آپکی کامیابی کا سبب بن سکتی ہے۔

ا س فقرہ کی گہرائی کو سمجھیں ۔
خاموش رہنا ، زیادہ اور فضول بات نہ کر اچھی بات ہے لیکن فقرہ میں یہ کہا گیا ہے کہ زیادہ تر آپ خاموش رہتے ہیں۔
زیادہ تر خاموش رہنا بھی اچھا نہیں ہے۔
انسان جس ماحول میں ہو وہاں اسے اردگر د لوگوں کے بارے میں معلومات ہونی چاہیئےاور اس کے ساتھ ساتھ اتنی بات چیت بھی ہونی چاہیئے کہ لوگ آپ کے بارے میں ایسی قیاس آرائی نہ کریں کہ آپ ایک نارمل انسان نہیں ہیں۔
اس قسم کے فقرات کے ہمیشہ دو معنی نکلتے ہیں اور کوشش کریں کہ ایسے فقرات کو نہایت احتیاط سے حل کریں۔

خیالی پلاؤ پکانا کا مطلب ہے کہ کوئی شخص خیالوں میں گم رہتا ہے۔
ہمیشہ خیالوں میں کھویا رہتا ہے۔ جو کچھ اُسکی خواہش ہوتی ہے وہ خیالوں خیالوں میں ہی سب کر گزرتا ہے ،سب سوچ لیتا ہے۔
ایسے لوگ صرف خیا لات ہی دیکھتے ہیں لیکن حقیقت میں کچھ نہیں کرتے۔
اگر آپ میں ایسی عادت ہے تو اسے فورا بدل ڈالیں کیونکہ یہ عادت آپکو حقیقت کے ساتھ ساتھ کامیابی سے بھی دور رہ جائے گی۔
ایسے لوگ جو صرف خیالی پلاؤ پکاتے ہیں انہیں حقیقی زندگی کے ساتھ ساتھ کسی بھی محکمہ میں بھی ترجیح نہیں دی جاتی۔

معاشرے میں رہنے کیلئے انسان کو اپنے اعصاب کو مضبوط رکھنا پڑتا ہے۔
بہت سے ایسے معاملات روزانہ وقو ع پذیر ہوتے ہیں جنہیں انسان پسند نہیں کرتا جس سے دل آزاری ہوتی ہے لیکن آپ ہر بات کو دل پر لگاتے رہے تو آپ معاشرے میں زندگی نہیں گزار سکیں گے۔
اس لئے اپنے آپکو کسی بھی حالات کا سامنا کرنے کیلئے تیار رکھیں ۔
اور پروفیشنل لوگ کبھی بھی چھوٹی چھوٹی باتوں کو دل پر نہیں لگاتے۔اور نہ ہی پروفیشنل لوگوں کی دل آزاری کرنا آسان ہوتا ہے۔
کسی بھی محکمہ میں ایسے لوگوں کو زیادہ اہمیت دی جاتی ہے جو ہر حالات میں خود کو ایڈجسٹ کر سکتے ہیں۔اور ہر قسم کے معاملات کا سامنا کرنے کی ہمت رکھتے ہیں۔